Advertisement
തിരുവനന്തപുരം; എംഎം മണി എംഎൽഎ സഞ്ചരിച്ച കാറിടിച്ച് കാൽനട യാത്രക്കാരനായ യുവാവിന് പരിക്ക്. കഴക്കൂട്ടം സ്വദേശി രതീഷ്(38) നാണ് പരിക്കേറ്റത്. ഇന്നലെ രാത്രി 10.40ന് കഴക്കൂട്ടത്തുവെച്ചാണ് അപകടമുണ്ടാകുന്നത്. റോഡ് മുറിച്ച് കടക്കുന്നതിനിടെ വാഹനം ഇടിക്കുകയായിരുന്നു. ഇയാളെ ഉടൻ തന്നെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ഇടുക്കിയിൽ നിന്നു തിരുവനന്തപുരത്തേക്കു വരുകയായിരുന്നു മണി. വെട്ടുറോഡ് ഭാഗത്തു നിന്നു കഴക്കൂട്ടത്തേക്കു വരുന്നതിനിടെ എലിവേറ്റഡ് ഹൈവേ തുടങ്ങുന്ന ഭാഗത്തു നിന്നു യുവാവ് റോഡ് കുറുകെ കടക്കാൻ ശ്രമിച്ചപ്പോഴാണ് കാർ ഇടിച്ചത്. ഉടൻ തന്നെ എംഎൽഎ പൊലീസിൽ വിവരം അറിയിച്ചു.
ആംബുലൻസ് വിളിച്ചുവരുത്തിയ ശേഷം എംഎൽഎയുടെ ഗൺമാൻ പരുക്കേറ്റയാളെ ആശുപത്രിയിലേക്കു കൊണ്ടു പോയി. കാർ കഴക്കൂട്ടം പൊലീസ് കസ്റ്റഡിയിൽ എടുത്തു. പരുക്കേറ്റയാളെ എം.എം.മണി സന്ദർശിച്ചു.
Advertisement
