Advertisement
വയനാട്. പനവല്ലി സർവ്വാണി വളവിൽ നിയന്ത്രണം വിട്ട ടെമ്പോ ട്രാവലർ റോഡരികിലെ താഴ്ചയിലേക്ക് മറിഞ്ഞ് യാത്രക്കാർക്ക് പരിക്ക്. തിരുനെല്ലി ക്ഷേത്ര ദര്‍ശനത്തിന് വന്നിരുന്ന കണ്ണൂർ പാനൂർ സ്വദേശികൾ ആണ് അപകടത്തില്‍പ്പെട്ടത്. ഒരു കുട്ടിയടക്കം പത്ത് യാത്രക്കാരാണ് വാഹനത്തിലുണ്ടായിരുന്നു. പലർക്കും മുറിവുകളും ചതവുകളുമടക്കമുള്ള പരിക്കുകൾ പറ്റിയിട്ടുണ്ടെങ്കിലും ആരുടേയും നില ഗുരുതരമല്ല. യാത്രക്കാരെ കേണിച്ചിറയിലെ സ്വകാര്യ ക്ലിനിക്കില്‍ പ്രാഥമിക ശുശ്രൂഷ നല്‍കിയ ശേഷം മാനന്തവാടി മെഡിക്കല്‍കോളേജിലേക്ക് മാറ്റി. കുത്തനെയുള്ള വളവിൽ വെച്ച് ബ്രേക്ക് നഷ്ടമായതാണ് അപകടത്തിനിടയാക്കിയതെന്നാണ് സൂചന.
Advertisement
