Advertisement
കോഴിക്കോട്. പുതുപ്പാടി ഈങ്ങാപ്പുഴയില്‍ വീട്ടമ്മയെ കിണറ്റില്‍ വീണ് മരിച്ച നിലയില്‍ കണ്ടെത്തി. പുറ്റേന്‍ക്കുന്ന് ശ്രീനിവാസന്റെ ഭാര്യ അനിതയാണ് മരിച്ചത്. ഇന്ന് രാവിലെ ആറരയോടെ എഴുനേറ്റ അനിതയെ പിന്നീട് കാണാതായതിനെ തുടര്‍ന്ന് നടത്തിയ തിരച്ചിലില്‍ ചെരിപ്പ് കിണറിന് സമീപം കണ്ടെത്തി. കിണറിന്റെ വല നീങ്ങിക്കിടക്കുന്നുണ്ടായിരുന്നു. തുടര്‍ന്ന് മുക്കം ഫയര്‍ ഫോഴ്‌സ് സ്ഥലത്തെത്തി കിണറ്റില്‍ നിന്നും അനിതയെ കരക്കെത്തിച്ച് ആശുപത്രിയില്‍ പ്രവേശിപ്പിച്ചെങ്കിലും മരിച്ചിരുന്നു. ചെറിയ മാനസിക അസ്വാസ്ഥ്യം പ്രകടിപ്പിച്ചിരുന്ന ഇവര്‍ ചികിത്സയിലായിരുന്നു. മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയിലേക്കു മാറ്റി.
Advertisement
