Advertisement
തിരുവനന്തപുരം. ഓടിക്കൊണ്ടിരിക്കെ കെഎസ്ആർടിസി ബസിന് തീപിടിച്ചു. അപകടം യഥാസമയം ശ്രദ്ധയില്‍പെട്ടതിനാല്‍ വന്‍ദുരന്തം ഒഴിവായി.
അപകടം സംഭവിച്ചത് ഇന്ന് രാവിലെ ചെമ്പകമംഗലത്ത് വച്ചാണ്. പിന്നാലെ വന്ന വാഹനത്തിലുള്ളവരാണ് അസാധാരണമായി പുക ഉയരുന്ന വിവരം ബസ് തടഞ്ഞ് അറിയിച്ചത്. തീപിടുത്തതിൽ ബസിന്‍റെ ഉൾഭാഗം പൂർണമായും കത്തി നശിച്ചു.
യാത്രക്കാരെല്ലാം സുരക്ഷിതരാണ്. ഡ്രൈവർ ഉടൻ തന്നെ യാത്രക്കാരെയെല്ലാം ബസിൽ നിന്നും പുറത്തിറക്കുകയായിരുന്നു. ആറ്റിങ്ങലിൽ നിന്ന് തിരുവനന്തപുരത്തേക്ക് പോവുകയായിരുന്ന ബസിനാണ് തീപിടിച്ചത്. തീപിടുത്തത്തെ തുടർന്ന് ദേശീയ പാതയിൽ ഏറെ നേരം ഗതാഗതം തടസപ്പെട്ടു.
Advertisement
