Advertisement
പത്തനംതിട്ട: കോന്നിയിൽ നടക്കുന്ന ഗജമേളയിൽ ഓണസദ്യയുണ്ണാൻ കോന്നി സുരേന്ദ്രൻ കോന്നിയിലേക്ക് മടങ്ങി വരുന്നു. കരിയാട്ടം ഫെസ്റ്റിന്റെ ഭാഗമായ ഗജമേളയ്ക്കാണ് സുരേന്ദ്രൻ എത്തുന്നത്. ഇതിനായി വനംവകുപ്പ് പ്രത്യേകം ഉത്തരവിറക്കി.
കോന്നിക്കാരുടെ പ്രിയപ്പെട്ട സുരേന്ദ്രനെ കുങ്കി പരിശീലനത്തിനായാണ് മുതുമല ചെപ്പുകാട് ആന പരിശീലന കേന്ദ്രത്തിലേക്ക് കൊണ്ടുപോയത്. ഇതിന്റെ പേരിൽ കോന്നിയിൽ പ്രതിഷേധ സമരങ്ങൾ നടന്നിരുന്നു. ഒടുവിൽ പരിശീലനം പൂർത്തിയാക്കിയതിന് ശേഷം സുരേന്ദ്രനെ കോന്നിയിലേക്ക് മടക്കിയെത്തിക്കാമെന്ന ഉറപ്പിന്റെ അടിസ്ഥാനത്തിലാണ് സുരേന്ദ്രനെ കുങ്കി പരിശീലനത്തിന് കൊണ്ടുപോയത്. ഇപ്പോൾ അഞ്ച് വർഷത്തിന് ശേഷമാണ് കോന്നി സുരേന്ദ്രൻ കോന്നിയിലേക്ക് തിരികെ എത്തുന്നത്.
Advertisement
