Advertisement
കോഴഞ്ചേരി. യുവാവിനെ തോട്ടിൽ മരിച്ച നിലയിൽ കണ്ടെത്തി.അയിരൂർ പ്ലാങ്കമൺ
വാഴയിൽ ജയൻ (42 )നെയാണ് പ്ലാങ്കമണ്ണ് -ഇടപ്പാവൂർ റോഡിൽ ചുഴികുന്നിൽ
പടിക്ക് സമീപം തോട്ടിൽ മരിച്ച നിലയിൽ കണ്ടെത്തിയത്.സംഭവവുമായി
ബന്ധപ്പെട്ട് ജയന് ഒപ്പം ഉച്ച മുതൽ ഉണ്ടായിരുന്ന അഞ്ച് സുഹൃത്തുക്കളെ
കോയിപ്പുറം പോലീസ് കസ്റ്റഡിയിൽ എടുത്തിട്ടുണ്ട്.ഉച്ച മുതൽ ഇവർ
ഒരുമിച്ചുണ്ടായിരുന്നതായി പറയുന്നുണ്ട്.എന്നാൽ ഇയാൾ മരിച്ചു കിടക്കുന്നത്
വഴി യാത്രക്കാരനാണ് കണ്ടത്.അവരാണ് പോലീസിൽ അറിയിച്ചതും.ഇത് സംഭവത്തിന്റെ
ദുരൂഹത വര്ധിപ്പിക്കുന്നുണ്ട്.തോട്ടിൽ നിന്നും കരക്കെടുത്ത മൃതദേഹം
ഇൻക്വസ്റ്റ് പൂർത്തിയാക്കി റാന്നിയിലെ മോർച്ചറിയിലേക്ക് മാറ്റി.ഇന്ന്
കോട്ടയം മെഡിക്കൽ കോളേജിൽ പോസ്റ്റ്മോർട്ടം നടത്തും.
Advertisement
