കോട്ടയം:പുതുപ്പള്ളി ഉപതെരഞ്ഞെടുപ്പിൽ
ഇടത് മുന്നണി സ്ഥാനാർത്ഥിയുടെ പത്രികാ സമർപ്പണവും, തെരെഞ്ഞടുപ്പ് കൺവൻഷനും ഇന്ന് നടക്കും.രാവിലെ 11ന് കോട്ടയം ആർ ഡി ഒ മുമ്പാകെ സ്ഥാനാർത്ഥി ജെയ്ക്ക് സി തോമസ് നാമനിർദ്ദേശ പത്രിക സമർപ്പിക്കും.
വൈകിട്ട് 4ന് മണർകാട്ട് ചേരുന്ന അസംബ്ലി മണ്ഡലം തിരഞ്ഞെടുപ്പ് കൺവൻഷൻ സി പി എം സംസ്ഥാന സെക്രട്ടറി എംവി ഗോവിന്ദൻ ഉദ്ഘാടനം ചെയ്യും. ജോസ് കെ മാണി, ബിനോയ് വിശ്വം, പി സി ചാക്കോ, ഡോ: വർഗ്ഗീസ് ജോർജ്, ഡോ: കെ.സി ജോസഫ്, മാത്യു ടി തോമസ്, കടന്നപ്പള്ളി രാമചന്ദ്രൻ ,പ്രേംജിത്ത് കെ.ബി ,ബിനോയ് ജോസഫ്, കാസിം ഇരിക്കുർ എന്നിവർ പ്രസംഗിക്കും.
17, 18 തീയതികളിലായി മണ്ഡലത്തിലെ എട്ട് പഞ്ചായത്തുകളിലായി 21 മേഖലാ യോഗങ്ങൾ നടക്കും.22 ന് വനിതാ അസംബ്ലിയും ,23, 24 തീയതികളിൽ 21 കേന്ദ്രങ്ങളിൽ വികസന സന്ദേശ സമ്മേളനവും 24, 25, 26 സെപ്തംബർ ഒന്ന്, രണ്ട് തീയതികളിലായി മണ്ഡലത്തിൽ സ്ഥാനാർത്ഥിയുടെ പൊതു പര്യടനവും നടക്കും.
