Advertisement
തൃശ്ശൂര്‍. ചൂണ്ടലിൽ ഓടുന്ന കാറിന്‌ തീപിടിച്ചു. കാര്‍ പൂര്‍ണ്ണമായും കത്തിനശിച്ചു. കാറിലുണ്ടായിരുന്ന പഴുന്നാന സ്വദേശി ഷെല്‍ജിയും മൂന്ന് കുട്ടികളും തലനാരിഴയ്ക്ക് രക്ഷപ്പെട്ടു.ഇന്ന് വൈകീട്ട്‌ 7.15 ഓടെയായിരുന്നു സംഭവം. പഴുന്നാന – ചൂണ്ടൽ റോഡിൽ വച്ച് ഓടിക്കൊണ്ടിരുന്ന കാറിന്റെ മുൻ വശത്ത്‌ നിന്ന് തീ ഉയരുന്നത്‌ കണ്ട്‌ കാർ നിർത്തി ഷെൽജിയും കുട്ടികളും പുറത്തിറങ്ങി. നിമിഷങ്ങൾക്കുള്ളിൽ കാർ പൂർണ്ണമായും കത്തിയമർന്നു. കുന്നംകുളത്ത്‌ നിന്ന് അഗ്നിശമന സേന എത്തുമ്പോഴേക്കും കാർ പൂർണ്ണമായും കത്തി നശിച്ചിരുന്നു. കുന്നംകുളം പോലീസ്‌ സ്ഥലത്തെത്തി തുടർ നടപടികൾ സ്വീകരിച്ചു. തീ പിടുത്തത്തിന്‍റെ കാരണം വ്യക്തമല്ല
Advertisement
