2023 ആഗസ്റ്റ് 23 ബുധൻ
BREAKING NEWS
👉 പാലക്കാട് തിരുവാഴിയോട് കല്ലട ട്രാവത്സിൻ്റ ബസ് മറിഞ്ഞ് ഒരാൾ മരിച്ചു. ഒരാളുടെ നില അതീവ ഗുരുതരം.നിരവധി പേർക്ക് പരിക്കേറ്റു.
👉 മലപ്പുറം ഇടയത്തൂർ സ്വദേശി സൈനബ ബീബിയാണ് മരിച്ച ഒരാൾ. പരിക്കേറ്റവർ പാലക്കാട് ജില്ലാ ആശുപത്രിയിൽ.
👉 ഇറക്കത്തിൽ നിയന്ത്രണം വിട്ട ബസ് കാർഷിക വികസന ബാങ്കിന് മുന്നിലാണ് മറിഞ്ഞത്. ബസ്സിൽ 38 പേരുണ്ടായിരുന്നു.
👉 ഇന്ന് രാവിലെ 7.45 ന് ചെന്നൈയിൽ നിന്ന് കോഴിക്കോട്ടേക്കുള്ള ബസാണ് അപകടത്തിൽ പെട്ടത്.
🌴കേരളീയം🌴
🙏എന്‍.സി.ഇ.ആര്‍.ടി ഒഴിവാക്കിയ പാഠഭാഗങ്ങള്‍ ഉള്‍ക്കൊള്ളിച്ച് സംസ്ഥാന പൊതുവിദ്യാഭ്യാസ വകുപ്പ് ഇന്ന് പാഠപുസ്തകങ്ങള്‍ പുറത്തിറക്കും . തിരുവനന്തപുരം കോട്ടണ്‍ഹില്‍ സ്‌കൂളില്‍ വൈകുന്നേരം നാലിനു മുഖ്യമന്ത്രി പിണറായി വിജയന്‍ പ്രകാശനം ചെയ്യും.
🙏 കേരളത്തിലെ ‘ കെഎസ്ആര്‍ടിസി ജീവനക്കാര്‍ക്ക് ഇന്നു ശമ്പളം നല്‍കും. 2,750 രൂപ ഓണം അലവന്‍സും നല്‍കും. താത്കാലിക ജീവനക്കാര്‍ക്കും സ്വിഫ്റ്റിലെ കരാര്‍ ജീവനക്കാര്‍ക്കും ആയിരം രൂപ വീതം ഉത്സവ ബത്ത നല്‍കും.
🙏പുരാവസ്തു തട്ടിപ്പിലെ കള്ളപ്പണ കേസില്‍ ഇ ഡിയുടെ ചോദ്യം ചെയ്യല്‍ 30 നു തുടരുമെന്ന് കെപിസിസി പ്രസിഡന്റ് കെ. സുധാകരന്‍ എംപി. ഇ ഡി വേട്ടയാടുന്നുവെന്ന പരാതിയില്ലന്ന് കെ സുധാകരന്‍ പറഞ്ഞു.
🙏സംസ്ഥാനത്ത് സംഘടിത കൊള്ളയും സ്ഥാപനവത്കരിക്കപ്പെട്ട അഴിമതിയുമാണെന്ന് മാത്യു കുഴല്‍നാടന്‍ എംഎല്‍എ. വ്യാജ കടലാസ് കമ്പനികളുടെ പേരിലാണു സര്‍ക്കാര്‍ കോടികളുടെ തട്ടിപ്പുകള്‍ നടത്തുന്നത്.
🙏മദ്യം വില്‍ക്കുന്ന ബിവറേജസ് കോര്‍പറേഷനിലേയും കണ്‍സ്യൂമര്‍ ഫെഡിലേയും ജീവനക്കാര്‍ക്ക് ഓണത്തിന് 90,000 രൂപവരെ ബോണസ്. പെര്‍ഫോമന്‍സ് അലവന്‍സ് എന്ന പേരിലാണ് പണം നല്‍കന്നത്.
🙏മാത്യു കുഴല്‍നാടന്‍ എംഎല്‍എയുടെ വീട് അളക്കാന്‍ പോയ സര്‍ക്കാര്‍ ആദ്യം സിപിഎമ്മിന്റേയും സിപിഎം നേതാക്കളുടേയും അനധികൃത നിര്‍മാണങ്ങള്‍ പൊളിച്ചു നീക്കണമെന്ന് പ്രതിപക്ഷ നേതാവ് വി.ഡി. സതീശന്‍.
🙏 മുഖ്യമന്ത്രിയുടെ മകൾ വീണ വിജയന്റെ എക്സാലോജിക് കമ്പനി കൊച്ചിന്‍ മിനറല്‍സില്‍നിന്നു സ്വീകരിച്ച 57 ലക്ഷം രൂപയില്‍ 45 ലക്ഷം രൂപക്കു 8,10,000 രൂപ ഐജിഎസ്ടി അടച്ചെന്നു രേഖ. 2017 ഓഗസ്റ്റിനും 2018 ഒക്ടോബറിനുമിടയിലാണ് ഈ തുക അടച്ചത്. എന്നാല്‍, ബാക്കി ഇടപാടുകളുടെ നികുതി രേഖകള്‍ ലഭ്യമല്ല.
🙏ടിപി കേസ് പ്രതികള്‍ വിലങ്ങില്ലാതെ ട്രെയിന്‍ യാത്ര ചെയ്തതിന്റെ ദൃശ്യങ്ങള്‍ പുറത്ത്. കൊടി സുനിയേയും എം സി അനൂപിനേയുമാണു വിലങ്ങില്ലാതെ വിയ്യൂര്‍ സെന്‍ട്രല്‍ ജയിലില്‍നിന്ന് കണ്ണൂരിലേക്കു കൊണ്ടുപോയത്.
🙏മലപ്പുറം തുവ്വൂര്‍ സുജിത കൊലപാതക കേസിലെ പ്രതി വിഷ്ണുവിനെ യൂത്ത് കോണ്‍ഗ്രസ് പുറത്താക്കി.
🇳🇪 ദേശീയം 🇳🇪
🙏ലോകം ഇന്ത്യയുടെ പ്രതീക്ഷയോടെ കാത്തിരിക്കുന്ന ഇന്ത്യയുടെ ചാന്ദ്രദൗത്യം ചരിത്ര മുഹൂര്‍ത്തത്തിലേക്ക്. ചന്ദ്രയാന്‍-മൂന്നിന്റെ ലാന്‍ഡര്‍ ഇന്നു വൈകുന്നേരം ആറു മണി കഴിഞ്ഞു നാലു മിനിറ്റാകുമ്പോള്‍ ചന്ദ്രോപരിതലത്തില്‍ സോഫ്റ്റ് ലാന്‍ഡിംഗ് നടത്തും. ലാന്‍ഡറിനകത്തെ റോവര്‍ പുറത്തിറങ്ങി ചന്ദ്രനിലെ മണ്ണ് അടക്കമുള്ളവയുടെ വിവരങ്ങള്‍ ശേഖരിക്കും. ഒരു ചാന്ദ്ര പകല്‍ മാത്രമാണ് ലാന്‍ഡറിന്റെയും റോവറിന്റെയും ആയുസ്. ഭൂമിയിലെ കണക്കനുസരിച്ച് 14 ദിവസം.
🙏ചന്ദ്രയാന്‍ 3 നെതിരെ മോശമായ പ്രസ്താവന നടത്തിയെന്ന് ആരോപിച്ച് ഹിന്ദു സംഘടനാ പ്രവര്‍ത്തകര്‍ നല്‍കിയ പരാതിയില്‍ നടന്‍ പ്രകാശ് രാജിനെതിരെ കേസെടുത്തു. കര്‍ണാടകയിലെ ബാഗല്‍കോട്ട് ജില്ലയിലെ ബനഹട്ടി പൊലീസ് സ്റ്റേഷനിലാണു കേസ്.
🙏മധ്യപ്രദേശില്‍ കോണ്‍ഗ്രസ് അധികാരത്തിലെത്തിയാല്‍ ജാതി സെന്‍സസ് നടത്തുമെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖാര്‍ഗെ. പാചകവാതക സിലിണ്ടറുകള്‍ 500 രൂപക്കു നല്‍കും.
🇨🇦 അന്തർദേശീയം 🇦🇽
🙏ബ്രിക്സ് ഉച്ചകോടിയില്‍ പങ്കെടുക്കാന്‍ പ്രധാനമന്ത്രി നരേന്ദ്രമോദി ദക്ഷിണാഫ്രിക്കയില്‍ എത്തി. ഇന്ത്യ, ചൈന, റഷ്യ, ബ്രസീല്‍, ദക്ഷിണാഫ്രിക്ക എന്നീ അഞ്ചു രാജ്യങ്ങളാണ് ബ്രിക്സിലെ അംഗങ്ങള്‍.
🙏ജി 20 ഉച്ചകോടിക്കായി അമേരിക്കന്‍ പ്രസിഡന്റ് ജോ ബൈഡന്‍ അടുത്ത മാസം ഏഴിന് ഇന്ത്യയിലെത്തും. ഉച്ചകോടി അവസാനിക്കുന്ന പത്തു വരെ ജോ ബൈഡന്‍ ഇന്ത്യയിലുണ്ടാകും. ഉച്ചകോടി നടക്കുന്ന എട്ടു മുതല്‍ പത്തു വരെ ഡല്‍ഹിയില്‍ സര്‍ക്കാര്‍ പൊതു അവധി പ്രഖ്യാപിച്ചു.
⚽🥍 കായികം🏏🏑
🙏ഇന്ത്യന്‍ ഗ്രാന്‍ഡ്മാസ്റ്റര്‍ ആര്‍. പ്രഗ്നാനന്ദ ലോകകപ്പ് ചെസ് ഫൈനലിലെ ആദ്യ ഗെയിമില്‍ മുന്‍ ലോകചാമ്പ്യന്‍ മാഗ്നസ് കാള്‍സനെ സമനിലയില്‍ തളച്ചു. 35 നീക്കങ്ങള്‍ക്ക് ശേഷമാണ് ആദ്യ ഗെയിമില്‍ ഇരുവരും സമനിലയില്‍ പിരിഞ്ഞത്. ഇന്ന് നടക്കുന്ന രണ്ടാം ഗെയിമില്‍ ജയിക്കുന്നയാള്‍ ലോകകപ്പ് സ്വന്തമാക്കും. ഇന്നത്തെ മത്സരം കൂടി സമനിലയായാല്‍ കളി ടൈബ്രേക്കറിലേക്ക് നീളും.
🙏ലോക അത്ലറ്റിക്സ് ചാംപ്യന്‍ഷിപ്പിന്റെ 100 മീറ്ററില്‍ ചാംപ്യനായതോടെ യുഎസിന്റെ നോഹ ലൈല്‍സ് ലോകത്തിലെ വേഗമേറിയ പുരുഷ താരമായി. ബോട്സ്വാനയുടെ ലെറ്റ്സീലി ടെബോഗോ വെള്ളി നേടിയപ്പോള്‍ ബ്രിട്ടന്റെ ഷാര്‍നെല്‍ ഹ്യൂസ് മൂന്നാമതെത്തി. അമേരിക്കയുടെ തന്നെ ഷാകാരി റിച്ചഡ്സന്‍ ചാമ്പ്യന്‍ഷിപ് റോക്കോര്‍ഡോഡെയാണ് വേഗറാണിയായത്. ജമൈക്കയുടെ ഷെരിക ജാക്സന്‍ വെള്ളിയും മുന്‍ ജേതാവ് ഷെല്ലി ആന്‍ഫ്രേസര്‍ വെങ്കലവും നേടി.
