Advertisement
മാവേലിക്കര.ബന്ധുവീട്ടിൽ പോയി മടങ്ങിയ കുടുംബം സഞ്ചരിച്ച ഓട്ടോ ആറ്റിലേക്ക് മറിഞ്ഞ് യുവതി മരിച്ചു .മൂന്ന് വയസുകാരനെ കാണാതായി . വെൺമണി ഗ്രാമപഞ്ചായത്ത് മൂന്നാം വാർഡിൽ വലിയ പറമ്പിൽ ശൈലേഷും കുടുംബവും സഞ്ചരിച്ച ഓട്ടോറിക്ഷയാണ് കൊല്ലകടവ് ചാക്കോ റോഡിൽ പനച്ചമൂട് ഭാഗത്ത് അച്ചൻകോവിലാറ്റിലേക്ക് മറിഞ്ഞത്. ശൈലേഷിൻ്റെ ഭാര്യ ആതിര (35) ആണ് മരണമടഞ്ഞത് . ഇവരുടെ മൂന്ന് വയസുകാരൻ കാശിനാഥിനെ കാണാതായി. വൈകിട്ട് ആറരയോടെ ആയിരുന്നു സംഭവം .
ശൈലേഷിൻ്റെ മാവേലിക്കരയിലുള്ള ബന്ധുവീട്ടിൽ പോയ ശേഷം തിരികെ വരുമ്പോഴായിരുന്നു അപകടം .ഓട്ടോ റിക്ഷ നിയന്ത്രണം തെറ്റി അച്ചൻകോവിലാറ്റിലേക്ക് മറിയുകയായിരുന്നു. അഞ്ചുപേർ അടങ്ങുന്ന സംഘമായിരുന്നു ഓട്ടോറിക്ഷയിൽ സഞ്ചരിച്ചിരുന്നത്. മൂന്നു വയസ്സുകാരന് വേണ്ടിയിട്ടുള്ള തിരച്ചിൽ നാളെ രാവിലെ പുനരാരംഭിക്കും.
Advertisement
