2023 സെപ്തംബർ 05
ഇന്ന് അധ്യാപകദിനം; എല്ലാ അധ്യാപകർക്കും ന്യൂസ് അറ്റ് നെറ്റിൻ്റ ആശംസകൾ
BREAKING NEWS
👉 പുതുപ്പള്ളി ഉപതെരഞ്ഞടുപ്പിൽ 2 ബൂത്തുകളിൽ വോട്ടിംഗ് യന്ത്രം തകരാറിലായി.
👉 മിക്ക ബുത്ത് കളിലും ഭേദപ്പെട്ട പോളിംഗ് ;ആദ്യ മണിക്കൂറിൽ 10.82% പോളിംഗ്
👉 കാസർകോട് ജില്ലാ പഞ്ചാത്ത് അംഗ് അംഗം അറസ്റ്റിൽ
🌴 കേരളീയം 🌴
🙏പുതുപ്പള്ളി ഉപതെരഞ്ഞെടുപ്പിൽ വോട്ടെടുപ്പ് തുടങ്ങി. വെള്ളിയാഴ്ചയാണു വോട്ടെണ്ണല്‍.
🙏കരുവന്നൂര്‍ സഹകരണ ബാങ്കില്‍നിന്നു കോടികള്‍ തട്ടിയെടുത്ത കേസില്‍ രണ്ടു പേരെ എന്‍ഫോഴ്സ്മെന്റ് ഡയറക്ടറേറ്റ് അറസ്റ്റു ചെയ്തു. സതീഷ് കുമാര്‍, പി പി കിരണ്‍ എന്നിവരാണ് അറസ്റ്റിലായത്.
🙏തൃശൂര്‍ പീച്ചി ഡാമിന്റെ റിസര്‍വോയറില്‍ വഞ്ചി മുങ്ങി മൂന്നു യുവാക്കളെ കാണാതായി. നാലുപേരില്‍ ഒരാള്‍ നീന്തി കരയ്ക്കു കയറി. ആനവാരിയിലാണു സംഭവം. വാണിയമ്പാറ പൊട്ടിമടയ്ക്കു സമീപം കൊള്ളിക്കാട് സ്വദേശികളായ വിപിന്‍, അജിത്ത്, സിറാജ് എന്നിവരെയാണ് കാണാതായത്.
🙏നടപടി ക്രമങ്ങളിലെ വീഴ്ചയുടെ പേരില്‍ റദ്ദാക്കിയ വൈദ്യുതി കരാര്‍ പുനസ്ഥാപിക്കാന്‍ വഴി തേടി സര്‍ക്കാര്‍. കെഎസ്ഇബിയുടെ അഭ്യര്‍ത്ഥനയനുസരിച്ച് ചീഫ് സെക്രട്ടറി ഉന്നതതല യോഗം ഇന്നു വിളിച്ചു. കുറഞ്ഞ നിരക്കില്‍ വൈദ്യുതി ലഭിക്കുന്ന കരാറാണ് സര്‍ക്കാര്‍ ഈയിടെ റദ്ദാക്കിയത്. വൈദ്യുതി പ്രതിസന്ധി രൂക്ഷമായത് ഇതുമൂലമാണ്.
🙏ഗ്രോ വാസുവിനെതിരായ കേസില്‍ പ്രോസിക്യൂഷന്റെ ഏഴാം സാക്ഷി കൂറുമാറി. കോഴിക്കോട് കുന്ദമംഗലം കോടതിയില്‍ നടന്ന വിചാരണക്കിടെ ഗ്രോ വാസുവിന് അനുകൂലമായാണ് കൂറുമാറ്റം. ഇതേത്തുടര്‍ന്ന് നാലാം സാക്ഷിയായ അന്വേഷണ ഉദ്യോഗസ്ഥനെ വീണ്ടും വിസ്തരിക്കാന്‍ കേസ് ഈമാസം 12 ലേക്കു മാറ്റി. കോടതി വരാന്തയില്‍ ഗ്രോവാസു മുദ്രാവാക്യം മുഴക്കിയപ്പോള്‍ പോലീസുകാര്‍ വായ് പൊത്തിപ്പിടിച്ചു.
🙏മിത്ത് വിവാദത്തെത്തുടര്‍ന്നു നാമജപ ഘോഷയാത്ര നടത്തിയതിനു എന്‍എസ്എസിനെതിരെ കന്റോണ്‍മെന്റ് പൊലീസെടുത്ത കലാപക്കേസ് പിന്‍വലിക്കുന്നു. നാമജപയാത്ര നടത്തിയവര്‍ പൊതുമുതല്‍ നശിപ്പിച്ചിട്ടില്ലെന്നും സ്പര്‍ദ്ധ ഉണ്ടാക്കിയില്ലെന്നും ചൂണ്ടിക്കാട്ടി പിന്‍വലിക്കാമെന്നാണ് പോലീസിനു ലഭിച്ച നിയമോപദേശം.
🙏സംസ്ഥാന മുന്നോക്ക സമുദായ വികസന കോര്‍പറേഷന്‍ ചെയര്‍മാന്‍ സ്ഥാനത്തുനിന്ന് കേരള കോണ്‍ഗ്രസ് ബി സംസ്ഥാന ജനറല്‍ സെക്രട്ടറി കെജി പ്രേംജിത്തിനെ സര്‍ക്കാര്‍ നീക്കം ചെയ്തു. ബാലകൃഷ്ണ പിള്ളയുടെ മരണത്തെ തുടര്‍ന്നായിരുന്നു പ്രേംജിത്തിനെ നിയമിച്ചത്.
🇳🇪 ദേശീയം 🇳🇪
🙏എയര്‍ ഹോസ്റ്റസ് ട്രെയിനിയായ യുവതി ഫ്ളാറ്റില്‍ മരിച്ച നിലയില്‍. മുംബൈയിലെ അന്ധേരിയില്‍ കഴിഞ്ഞ ” ദിവസം ഛത്തീസ്ഗഡ് സ്വദേശിനിയായ രുപ ഒഗ്രെ ആണ് മരിച്ചത്.
🙏തമിഴ്നാട് തിരുപ്പൂരില്‍ ഒരു കുടുംബത്തിലെ നാലു പേരെ വെട്ടിക്കൊന്നതു ജോലിയില്‍നിന്നു പിരിച്ചുവിട്ടതിന്റെ വൈരാഗ്യംമൂലമെന്ന് പോലീസ്. രണ്ടാം പ്രതി ചെലമുത്തു അറസ്റ്റിലായി. തിരുപ്പൂര്‍ പല്ലാടം സ്വദേശിയായ സെന്തില്‍ കുമാര്‍ നടത്തിയിരുന്ന കടയില്‍ സഹായി ആയിരുന്ന മുഖ്യപ്രതി വെങ്കിട്ടേഷിനെ പോലീസ് തെരയുകയാണ്.
🙏ഇന്ത്യയുടെ മുന്‍ ഹോക്കി ക്യാപ്റ്റന്‍ പ്രബോധ് ടിര്‍ക്കി കോണ്‍ഗ്രസില്‍ ചേര്‍ന്നു. കോണ്‍ഗ്രസിന്റെ ഒഡീഷയിലെ ആസ്ഥാനത്താണ് അംഗത്വം സ്വീകരിച്ചത്.
🇦🇽 അന്തർദേശീയം 🇦🇴
🙏 മെക്സിക്കോയിലെ സാന്‍ പെഡ്രോയിൽ ചെറുവിമാനം തകര്‍ന്നുവീണ് പൈലറ്റ് മരിച്ചു. വിമാനം ആകാശത്ത് പിങ്ക് നിറം വിതറുന്നതിനിടെ തകര്‍ന്നുവീഴുകയായിരുന്നു. ദൃശ്യം സോഷ്യല്‍ മീഡിയയില്‍ പ്രചരിക്കുന്നുണ്ട്.
🙏അമേരിക്കയിലെ മിനസോട്ട ജയിലില്‍ അടിയന്തരാവസ്ഥ. നൂറോളം തടവുകാര്‍ സെല്ലില്‍ കയറാതെ പ്രതിഷേധിച്ചതിന് പിറകേയാണ് നടപടി. ജയിലിലെ അമിതമായ ചൂട്, കുളിക്കാനുള്ള സൗകര്യക്കുറവ്, കുടിവെള്ളക്ഷാമം തുടങ്ങിയ വിഷയങ്ങള്‍ ഉന്നയിച്ചാണ് തടവുകാര്‍ സമരം തുടങ്ങിയത്.
🥍🏸 കായികം 🏑🏏
🙏ഏഷ്യാ കപ്പ് ക്രിക്കറ്റില്‍ ഇന്ത്യക്ക് നേപ്പാളിനെതിരെ പത്ത് വിക്കറ്റിന്റെ വിജയം. ആദ്യം ബാറ്റുചെയ്ത നേപ്പാള്‍ 48.2 ഓവറില്‍ 230 റണ്‍സെടുത്തു പുറത്തായി. ഈ വിജയത്തോടെ ഇന്ത്യ സൂപ്പര്‍ ഫോറില്‍ പ്രവേശിച്ചു.
