2023 സെപ്തംബർ 11 തിങ്കൾ
BREAKING NEWS
👉 കോഴിക്കോട് യുവതിയെ മർദിച്ച കേസിൽ നടക്കാവ് എസ് ഐ വിനോദ് കുമാറിന് സസ്പെൻഷൻ
👉 നിയമസഭാ സമ്മേളനം ചോദ്യോത്തരവേളയോടെ ആരംഭിച്ചു.
👉 നിയമസഭാ സമ്മേളനത്തില്‍ ഉമ്മന്‍ ചാണ്ടിക്കെതിരായ ഗൂഡാലോചന അടക്കമുള്ള വിഷയങ്ങൾ ഉന്നയിക്കാൻ ഷാഫി പറമ്പിൽ നോട്ടീസ് നൽകി.
👉 പുതുപ്പള്ളിയില്‍നിന്നു തെരഞ്ഞെടുക്കപ്പെട്ട ചാണ്ടി ഉമ്മന്‍ രാവിലെ പത്തിനു സത്യപ്രതിജ്ഞ ചെയ്യും.
👉 നിയമസഭ തല്ലിത്തകര്‍ത്ത കേസില്‍ കോണ്‍ഗ്രസ് എംഎല്‍എമാരെ പ്രതികളാക്കുന്നതും കരുവന്നൂര്‍ സഹകരണ ബാങ്ക് തട്ടിപ്പും പ്രതിപക്ഷം വിഷയമാക്കും.
👉 ആലുവയിൽ 9 കാരിയെ പീഢിപ്പിച്ച പ്രതിയുടെ കസ്റ്റഡി അപേക്ഷ ഇന്ന് കോടതി പരിഗണിക്കും.
🌴 കേരളീയം 🌴
🙏സംസ്ഥാനത്ത് ഒരു വിഭാഗം റേഷന്‍ വ്യാപാരികള്‍ ഇന്നു കടകള്‍ അടച്ചിട്ടു സമരം ചെയ്യും. കിറ്റ് വിതരണം ചെയ്തതിന്റെ കമ്മീഷന്‍ ആവശ്യപ്പെട്ടാണു സമരം. റേഷന്‍ വിതരണം തടസപ്പെടുത്തിയാല്‍ നടപടിയെടുക്കുമെന്ന് മന്ത്രി ജി.ആര്‍. അനില്‍.
🙏സോളാര്‍ തട്ടിപ്പുകാരിയുടെ ലൈംഗികാതിക്രമ പരാതിയില്‍ ഉമ്മന്‍ ചാണ്ടിക്കെതിരെ ഗൂഢാലോചന നടത്തിയവരും വേട്ടയാടിയവരും കണക്കു പറയേണ്ടി വരുമെന്ന് പ്രതിപക്ഷ നേതാവ് വിഡി സതീശന്‍. സിപിഎമ്മിന്റെ ആശിര്‍വാദത്തോടെ നടന്ന നീചമായ ഗൂഢാലോചനയാണത്.
🙏കരുവന്നൂര്‍ സഹകരണ ബാങ്ക് തട്ടിപ്പു കേസില്‍ അനില്‍ അക്കരയുടെ ആരോപണം അടിസ്ഥാന രഹിതമാണെന്ന് സിപിഎം നേതാവ് പികെ ബിജു. തനിക്കെതിരെ തെളിവുണ്ടങ്കില്‍ അനില്‍ മാധ്യമങ്ങള്‍ക്കു കൈമാറണം. എംപിയായിരിക്കെ താന്‍ താമസിച്ച വീടുകളുടെ വാടക കൃത്യമായി കൊടുത്തിട്ടുണ്ട്. ഒരു കള്ളപ്പണക്കാരന്റെയും സംരക്ഷണം ആവശ്യമില്ല. താന്‍ ആരുടേയും പണം വാങ്ങിയിട്ടില്ല.
🙏കരുവന്നൂര്‍ സഹകരണ ബാങ്ക് ക്രമക്കേടു സംബന്ധിച്ച് സിപിഎം നിയോഗിച്ച അന്വേഷണ കമ്മീഷനില്‍ അംഗമായിരുന്നില്ലെന്ന സിപിഎം നേതാവും മുന്‍ എംപിയുമായ പി.കെ. ബിജുവിന്റെ വാദം തള്ളി കോണ്‍ഗ്രസ് നേതാവ് അനില്‍ അക്കര. ബിജുവിനെ കമ്മീഷനായി നിയമിച്ച പാര്‍ട്ടി രേഖ അനില്‍ അക്കര പുറത്തുവിട്ടു. പാര്‍ട്ടി ഓഫീസിലുള്ള അന്വേഷണ റിപ്പോര്‍ട്ട് തൃശൂര്‍ അരിയങ്ങാടിയില്‍പോലും കിട്ടുമെന്നും അനില്‍ അക്കര പറഞ്ഞു.
🙏ആലുവയില്‍ അതിക്രമത്തിനിരയായ എട്ടു വയസുകാരിയുടെ മാതാപിതാക്കളെ മന്ത്രി പി രാജീവ് മെഡിക്കല്‍ കോളേജില്‍ സന്ദര്‍ശിച്ചു. എല്ലാ സഹായവും സര്‍ക്കാരില്‍ നിന്നുണ്ടാകുമെന്ന് കുട്ടിയുടെ കുടുംബത്തിന് ഉറപ്പു നല്‍കിയെന്ന് മന്ത്രി അറിയിച്ചു.
🙏പുരാവസ്തു തട്ടിപ്പു കേസില്‍ കെപിസിസി അധ്യക്ഷന്‍ കെ സുധാകരനെ ഇന്ന് എന്‍ഫോഴ്സ്മെന്റ് ചോദ്യം ചെയ്യും. രാവിലെ 11 ന് സുധാകരന്‍ ഹാജരാകും. രണ്ടാം തവണയാണ് ഇഡിക്കു മുന്നില്‍ കെ സുധാകരന്‍ ഹാജരാകുന്നത്.
🙏പുതുപ്പള്ളിയില്‍ തെരഞ്ഞെടുക്കപ്പെട്ട ചാണ്ടി ഉമ്മന്‍ അനുഗ്രഹം തേടി കോണ്‍ഗ്രസ് നേതാവ് എ.കെ. ആന്റണിയെ സന്ദര്‍ശിച്ചു. ‘തന്റെ കൂടെ നിയമസഭയില്‍ വന്ന ഉമ്മന്‍ചാണ്ടി ഇന്നില്ല. ഉമ്മന്‍ചാണ്ടിയുടെ പിന്‍ഗാമി ചാണ്ടി ഉമ്മനാണെ’ന്ന് എകെ ആന്റണി പറഞ്ഞു.
🙏തൃശൂര്‍ മൃഗശാലയില്‍നിന്ന് പുത്തൂര്‍ സുവോളജിക്കല്‍ പാര്‍ക്കിലേക്ക് പക്ഷി മൃഗാദികളെ അടുത്ത മാസം മാറ്റി തുടങ്ങുമെന്ന് മന്ത്രി കെ രാജന്‍. 48 ഇനങ്ങളിലായി 117 പക്ഷികള്‍, 279 സസ്തനികള്‍, 43 ഉരഗ വര്‍ഗ്ഗജീവികള്‍ എന്നിങ്ങനെ 479 പക്ഷി മൃഗാദികളെ മാറ്റാനുള്ള കേന്ദ്ര അനുമതി ലഭിച്ചു.
🙏പൊലീസ് ബാന്‍ഡ് പരീക്ഷയ്ക്കു വ്യാജ സര്‍ട്ടിഫിക്കറ്റ് നല്‍കിയ സ്ഥാപനത്തിനെതിരെ നെയ്യാറ്റിന്‍കര പൊലിസ് കേസെടുത്തു. നെയ്യാറ്റിന്‍കര ജീവന്‍ മ്യൂസിക് അക്കാദമിയെന്ന സ്ഥാപനത്തിന് എതിരേയാണു കേസ്.
🙏സ്വര്‍ണക്കടത്ത്, ക്വട്ടേഷന്‍ സംഘങ്ങളും ഡിവൈഎഫ്ഐ നേതാക്കളുമായുള്ള ബന്ധത്തെ പരിഹസിച്ചു സിപിഎം നേതാവ് പി. ജയരാജന്റെ മകന്‍ ജയിന്‍ രാജിന്റെ ഫേസ്ബുക് പോസ്റ്റുകള്‍. ഡിവൈഎഫ്ഐ പാനൂര്‍ ബ്ലോക്ക് സെക്രട്ടറി കിരണിനെതിരെയാണ് പോസ്റ്റ്.
🇳🇪 ദേശീയം 🇳🇪
🙏ഇന്ത്യക്ക് ഐക്യരാഷ്ട്രസഭയുടെ രക്ഷാസമിതിയില്‍ സ്ഥിരാംഗത്വം വേണമെന്ന് പ്രധാനമന്ത്രി നരേന്ദ്രമോദി. ജി 20 ഉച്ചകോടിക്ക് എത്തിയ ലോകരാഷ്ട്രങ്ങളുടെ മേധാവികളോടാണ് ഈ ആവശ്യം ഉന്നയിച്ചത്.
🙏മുംബൈയില്‍ അമേരിക്കന്‍ പടക്കപ്പലുകള്‍ക്കും വിമാനവാഹിനികള്‍ക്കും അറ്റകുറ്റപ്പണി നടത്താന്‍ അനുമതി നല്‍കുന്ന കരാറില്‍ ഇന്ത്യ ഒപ്പുവച്ചു. രണ്ടാം മാസ്റ്റര്‍ ഷിപ്പ് റിപ്പയര്‍ കരാറനുസരിച്ച് മേഖലയില്‍ അമേരിക്കയുടെ സൈനിക സാന്നിധ്യം വര്‍ധിപ്പിക്കും.
🙏രാജ്യത്തിന്റെ പേര് ഭാരത് എന്നാക്കുമെന്ന് ബിജെപി എംപി ദിലീപ് ഘോഷ്. പേരുമാറ്റത്തെ എതിര്‍ക്കുന്നവര്‍ക്ക് രാജ്യം വിട്ടുപോകാം. കൊല്‍ക്കത്തയിലെ വിദേശികളുടെ പ്രതിമകള്‍ നീക്കം ചെയ്യുമെന്നും പശ്ചിമ ബംഗാളിലെ മുതിര്‍ന്ന ബിജെപി നേതാവ് പറഞ്ഞു.
🙏കോടതി റിമാന്‍ഡു ചെയ്തതോടെ ആന്ധ്രപ്രദേശ് മുന്‍ മുഖ്യമന്ത്രി ചന്ദ്രബാബു നായിഡു ജയിലിലായി. വിജയവാഡയിലെ മെട്രോപൊളിറ്റന്‍ മജിസ്ട്രേറ്റ് കോടതിയാണു 14 ദിവസത്തേക്കു റിമാന്‍ഡു ചെയ്തത്.
🙏കോണ്‍ഗ്രസ് പാര്‍ലമെന്ററി പാര്‍ട്ടി അധ്യക്ഷ സോണിയാ ഗാന്ധിയെ സന്ദര്‍ശിച്ചെന്ന അഭ്യൂഹം നിഷേധിച്ച് ബിജെപി മുതിര്‍ന്ന നേതാവും പഞ്ചാബിലെ മുന്‍ മുഖ്യമന്ത്രിയുമായ അമരീന്ദര്‍ സിംഗ്. ബിജെപിയോടും പ്രധാനമന്ത്രി നരേന്ദ്ര മോദിയോടും ആഭ്യന്തര മന്ത്രി അമിത് ഷായോടും പാര്‍ട്ടി അധ്യക്ഷന്‍ ജെപി നദ്ദയോടുമാണ് തനിക്കു പ്രതിബദ്ധതയെന്ന് അമരീന്ദര്‍ പറഞ്ഞു.
🙏ഡല്‍ഹിയില്‍ 20 വയസുകാരനെ കുത്തികൊന്ന സംഭവത്തില്‍ പ്രായപൂര്‍ത്തിയാകാത്ത എട്ട് അയല്‍വാസികള്‍ അറസ്റ്റില്‍. ദില്‍ഷാദ് എന്ന യുവാവാണ് കൊല്ലപ്പെട്ടത്.
🙏അയോധ്യ അന്താരാഷ്ട്രവിമാനത്താവളത്തിന്റെ പ്രവര്‍ത്തനം നവംബറില്‍ ആരംഭിക്കും. ‘മര്യാദ പുരുഷോത്തം ശ്രീറാം ഇന്റര്‍നാഷണല്‍ എയര്‍പോര്‍ട്ട്’ എന്നാണ് വിമാനത്താവളത്തിന് പേരിടുന്നത്.
🙏ഹൗറയില്‍നിന്ന് ഗ്വാളിയോറിലേക്കുള്ള ചമ്പല്‍ എക്‌സ്പ്രസിന്റെ ജനറല്‍ കോച്ചില്‍ പാമ്പാട്ടികള്‍ പാമ്പുകളെ തുറന്നു വിട്ടു. അഞ്ചു പാമ്പുകളെയാണ് ഇവര്‍ തുറന്നു വിട്ടത്. പാമ്പുകളെ പ്രദര്‍ശിപ്പിച്ച് പണം ചോദിച്ചപ്പോള്‍ യാത്രക്കാര്‍ സംഭാവന നല്‍കാത്തതില്‍ പ്രകോപിതരായാണ് പാമ്പുകളെ തുറന്നുവിട്ടത്.
🇦🇽 അന്തർദേശീയം 🇦🇴
🙏യുഎസില്‍ വിമാനത്തില്‍ കോക്ക്പിറ്റില്‍ പ്രവേശിച്ച് എക്സിറ്റ് ഡോര്‍ തുറക്കാന്‍ ശ്രമിച്ചു പരിഭ്രാന്തി സൃഷ്ടിച്ച യാത്രക്കാരനെ അറസ്റ്റു ചെയ്തു. ചിക്കാഗോയില്‍നിന്ന് ലോസ് ഏഞ്ചല്‍സിലേക്കുള്ള യുണൈറ്റഡ് എയര്‍ലൈന്‍സ് വിമാനത്തിലാണ് സംഭവം. വിമാനം ടേക്ക് ഓഫ് ചെയ്തതിനു പിറകേയാണ് ഇയാള്‍ അതിക്രമം നടത്തിയത്.
🙏ചൈന ആപ്പിള്‍, ഐഫോണുകള്‍ക്കു വിലക്ക് ഏര്‍പ്പെടുത്തിയതോടെ ആപ്പിളിന്റെ വിപണി മൂലധനത്തില്‍ ഇരുപതിനായിരം കോടി രൂപയുടെ തകര്‍ച്ച. ചൈന സര്‍ക്കാര്‍ ജീവനക്കാര്‍ക്ക് ഐഫോണ്‍ വിലക്കിയിരിക്കുകയാണ്.
🏏🥍 കായികം 🏑🏸
🙏ഏഷ്യാ കപ്പ് ക്രിക്കറ്റിലെ ഇന്ത്യ-പാകിസ്താന്‍ സൂപ്പര്‍ ഫോര്‍ പോരാട്ടം മഴ തടസപ്പെടുത്തി. മത്സരം റിസര്‍വ് ദിനമായ ഇന്നത്തേക്ക് മാറ്റിയതായി അധികൃതര്‍ അറിയിച്ചു. ഉച്ചയ്ക്ക് 3 മണി മുതലാണ് മത്സരം. 24.1 ഓവറില്‍ രണ്ട് വിക്കറ്റ് നഷ്ടത്തില്‍ 147 റണ്‍സെന്ന നിലയിലെത്തിയപ്പോഴാണ് മഴയെത്തിയത്.
🙏അണ്ടര്‍ 16 സാഫ് കപ്പ് ഫുട്‌ബോള്‍ കിരീടം ഇന്ത്യയ്ക്ക് . ഫൈനലില്‍ ബംഗ്ലാദേശിനെ എതിരില്ലാത്ത രണ്ട് ഗോളുകള്‍ക്ക് തകര്‍ത്താണ് ഇന്ത്യ കിരീടം ചൂടിയത്.
🙏യു.എസ്. ഓപ്പണ്‍ കിരീടം അമേരിക്കയുടെ കൊക്കോ ഗഫിന്. ഫൈനലില്‍ ബെലറൂസിന്റെ രണ്ടാം സീഡ് ആര്യാന സബലേങ്കയെ ഒന്നിനെതിരേ രണ്ട് സെറ്റുകള്‍ക്ക് തോല്‍പ്പിച്ചാണ് 19 കാരിയായ കൊക്കോ ഗഫ് തന്റെ കന്നി ഗ്രാന്‍സ്ലാം കിരീടമുയര്‍ത്തിയത്.
