പാലക്കാട്: കനത്ത മഴയിൽ പാലക്കാട് ഉരുൾപൊട്ടൽ. പാലക്കയം പാണ്ടന്‍മലയിലാണ് ഉരുൾ‌പൊട്ടലുണ്ടായത്. പാലക്കയം ഭാഗങ്ങളിലെ കടകളിൽ വെള്ളം കയറി. ജാഗ്രത പാലിക്കണമെന്ന് ജില്ല കളക്‌ടർ അറിയിച്ചു.
ഇന്നലെ രാത്രി പൊടുന്നനെയുണ്ടായ കനത്ത മഴയിൽ കോട്ടയം ജില്ലയുടെ കിഴക്കൻ മലയോര മേഖലയിലും ഉരുൾപൊട്ടലുണ്ടായിരുന്നു. തീക്കോയി ഗ്രാമപഞ്ചായത്ത് പരിധിയിൽ ഇഞ്ചിപ്പാറ, ആനിപ്ലാവ് എന്നീ സ്ഥലങ്ങളിലാണ് ഉരുൾപൊട്ടിയത്. മലവെള്ളപ്പാച്ചിലിൽ വൻ കൃഷിനാശവുമുണ്ട്.
തീക്കോയി ഭാഗത്ത് വെള്ളം ഉയര്‍ന്ന് പാലം വെള്ളത്തില്‍ മുങ്ങി. വിവിധ രോഡുകളില്‍ ഗതാഗതം തടസപ്പെട്ടിരിക്കുകയാണ്. ചാത്തപ്പുഴയിൽ വെള്ളം ഉയരുന്നത് ആശങ്കയാകുന്നുണ്ട്. രാത്രിയോടെ മഴയുടെ ശക്തി കുറഞ്ഞു. വെള്ളികുളം സ്കൂളിൽ ക്യാംപ് ആരംഭിച്ചു.
