Advertisement
തിരുവനന്തപുരം. കോൺഗ്രസ് മണ്ഡലം പ്രസിഡൻ്റുമാരുടെ പട്ടിക സമർപ്പിക്കാൻ കെപിസിസി നൽകിയ സമയപരിധി ഇന്ന് അവസാനിക്കും. നേരത്തെ നൽകിയ സമയത്തിന് മുഴുവൻ ഡി.സി.സി കളും പട്ടിക സമർപ്പിക്കാത്തതോടെയാണ് തീയതി നീട്ടിനൽകിയത്. ഇനിയൊരു അവസരം ഇല്ല എന്ന മുന്നറിയിപ്പോട് കൂടിയായിരുന്നു നിർദ്ദേശം നൽകിയത്.കൂട്ടയടി മൂലം ഇപ്പോഴും ചില ഡിസിസികൾ മുഴുവൻ പട്ടിക സമർപ്പിച്ചിട്ടില്ല. ഇന്നത്തോടെ പട്ടിക സമർപ്പണം പൂർത്തിയാക്കിയില്ലെങ്കിൽ സ്വന്തം നിലയിൽ മണ്ഡലം പ്രസിഡൻ്റുമാരെ നിയമിക്കുമെന്നാണ് കെപിസിസി അധ്യക്ഷൻ്റെ താക്കീത്. മണ്ഡലം പ്രസിഡൻ്റുമാരെ നിയമിക്കുന്നതിനോടൊപ്പം ബൂത്ത്, ബ്ലോക്ക്, ഭാരവാഹികളെയും നിയമിക്കും.
Advertisement
