2023 സെപ്തംബർ 26 ചൊവ്വ
BREAKING NEWS
👉ഷാപ്പിൽ ഉണ്ടായ തർക്കം കാരണം കോഴിക്കോട് താമരശ്ശേരിയിൽ
സി പി എം – ബിജെപി സംഘർഷം, രണ്ട് വീടുകൾക്ക് നേരെ കല്ലേറ്.
👉കരുവന്നൂര്‍ ബാങ്ക് തട്ടിപ്പ്: ഇഡി നടപടി തുടരുന്നു; തൃശൂര്‍ ജില്ലാ സഹകരണ ബാങ്ക് സെക്രട്ടറി ഇന്ന് ഇഡിക്ക് മുന്നില്‍
👉പത്തനംതിട്ട ജില്ലാ സഹകരണ ബാങ്ക് തിരഞ്ഞെടുപ്പിൽ
പരശ്പരം കള്ളവോട്ട് ആരോപണവുമായി
എൽ ഡി എഫും, യു ഡി എഫും.
👉 കള്ളവോട്ട് :എസ് എഫ് ഐ ജില്ലാ സെക്രട്ടറിയുടെ ദൃശ്യങ്ങൾ യുഡിഎഫും, ഡിസിസി ജനറൽ സെക്രട്ടിയുടെ ദൃശ്യങ്ങൾ എൽ ഡി എഫും പുറത്ത് വിട്ടു.
👉 വയനാട് പനവല്ലിയിൽ
കടുവയെ പിടികൂടുവാനുള്ള ശ്രമങ്ങൾ ഇന്ന് രാവിലെ മുതൽ വീണ്ടും തുടരും,
👉 കേരളത്തിന് അനുവദിച്ച രണ്ടാം വന്ദേ ഭാരത് ഇന്ന് വൈകിട്ട് തിരുവനന്തപുരത്ത് നിന്ന് ഓടി തുടങ്ങും
👉 യു ഡി എഫ് ഭരിക്കുന്ന മലപ്പുറം തെന്നല സർവ്വീസ് സഹകരണ ബാങ്കിൽ നിക്ഷേപകർക്ക് പണം തിരികെ നൽകുന്നില്ലെന്ന് പരാതി
👉 കാനഡയിൽ ഇന്ത്യൻ എംബസിക്ക് മുന്നിൽ ഖാലിസ്ഥാൻ അനുകൂലികൾ പ്രകടനം നടത്തി
👉 മണിപ്പൂരിൽ കാണാതായ മെയ്തെ വിഭാഗക്കാരായ രണ്ട് വിദ്യാർത്ഥികളെ കൊല്ലപ്പെട്ട നിലയിൽ കണ്ടെത്തി
🌴 കേരളീയം 🌴
🙏നിപ വ്യാപനം തടയാന്‍ കോഴിക്കോട് ജില്ലയില്‍ ഏര്‍പ്പെടുത്തിയിരുന്ന നിയന്ത്രണങ്ങള്‍ ഒക്ടോബര്‍ ഒന്നു വരെ നീട്ടി. അത്യാവശ്യമല്ലാത്ത എല്ലാ പൊതുപരിപാടികളും മാറ്റിവയ്ക്കണം. സാമൂഹിക അകലം, മാസ്‌ക് എന്നിവ നിര്‍ബന്ധമാണ്. ബീച്ചിലും പാര്‍ക്കിലും പ്രവേശനം അനുവദിക്കില്ല.
🙏കാസര്‍കോഡ് ബദിയടുക്ക പള്ളത്തുക്കയില്‍ സ്‌കൂള്‍ ബസും ഓട്ടോറിക്ഷയും കൂട്ടിയിടിച്ച് അഞ്ചു പേര്‍ മരിച്ചു. ഓട്ടോറിക്ഷ ഡ്രൈവര്‍ അബ്ദുള്‍ റൗഫ്, യാത്രക്കാരായ ബീഫാത്തിമ, നബീസ, ഉമ്മു ഹലിമ, ബീഫാത്തിമ മൊഗര്‍ എന്നിവരാണു മരിച്ചത്.
🙏നെടുമ്പാശേരി വിമാനത്താവളത്തില്‍ സൗകര്യങ്ങള്‍ വര്‍ധിപ്പിക്കുന്ന ഏഴു പദ്ധതികള്‍ ഒക്ടോബര്‍ രണ്ടിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. കാര്‍ഗോയും യാത്രക്കാരുടെ എണ്ണവും വര്‍ധിച്ചിരിക്കേയാണു സൗകര്യങ്ങള്‍ മെച്ചപ്പെടുത്തുന്നത്.
🙏സഹകരണ മേഖലയെ തകര്‍ക്കാനുള്ള ശ്രമമാണ് എന്‍ഫോഴ്സ്മെന്റ് നടത്തുന്നതെന്ന് സിപിഎം സംസ്ഥാന സെക്രട്ടറി എം.വി ഗോവിന്ദന്‍. ഇഡി രാഷ്ട്രീയമായി സിപിഎമ്മിനെ കടന്നാക്രമിക്കുകയാണ്. സഹകരണ മേഖലയെ സംരക്ഷിക്കും.
🙏സഹകരണ മേഖലയില്‍ സര്‍ക്കാര്‍ സ്പോണ്‍സേര്‍ഡ് അഴിമതിയാണെന്ന് ബിജെപി സംസ്ഥാന അദ്ധ്യക്ഷന്‍ കെ. സുരേന്ദ്രന്‍. കരുവന്നൂര്‍ തട്ടിപ്പിലെ കൊള്ളക്കാരെ സംരക്ഷിക്കുകയും രാജ്യം വിടാന്‍ അനുവദിക്കുകയും ചെയ്തത് ക്രൈംബ്രാഞ്ചും പൊലീസുമാണ്.
🙏സിപിഎം സംസ്ഥാന സെക്രട്ടറി എം.വി ഗോവിന്ദന്‍ നല്‍കിയ ക്രിമിനല്‍ മാനനഷ്ടക്കേസില്‍ സ്വര്‍ണക്കടത്ത് കേസ് പ്രതി സ്വപ്ന സുരേഷിനും വിജേഷ് പിള്ളക്കും കോടതിയുടെ സമന്‍സ്. ജനുവരി നാലിന് ഹാജരാകാനാണ് തളിപ്പറമ്പ് ജുഡീഷ്യല്‍ ഒന്നാം ക്ലാസ് മജിസ്ട്രേറ്റ് കോടതി സമന്‍സ് അയച്ചത്.
🙏മലപ്പുറം താനൂര്‍ ലഹരിമരുന്നു കേസില്‍ കസ്റ്റഡിയില്‍ കൊല്ലപ്പെട്ട താമിര്‍ ജിഫ്രിക്കൊപ്പം അറസ്റ്റിലായ നാലു പ്രതികള്‍ക്കും ഹൈക്കോടതി ജാമ്യം അനുവദിച്ചു. മന്‍സൂര്‍, ജബീര്‍, ആബിദ്, മുഹമ്മദ് എന്നിവര്‍ക്കാണ് ജാമ്യം നല്‍കിയത്.
🙏ലോക്സഭാ തെരഞ്ഞെടുപ്പില്‍ അച്ചു ഉമ്മനു സ്ഥാനാര്‍ഥിത്വം വേണമെന്നു മാധ്യമങ്ങള്‍ അനാവശ്യ വിവാദങ്ങള്‍ സൃഷ്ടിക്കുകയാണെന്ന് ചാണ്ടി ഉമ്മന്‍ എംഎല്‍എ.
🙏സിപിഎം നേതാക്കളുടെ ഭാര്യമാരെ നവമാധ്യമങ്ങള്‍ വഴി അപമാനിക്കാന്‍ ശ്രമിച്ച കേസിലെ പ്രതിയായ യൂത്ത് കോണ്‍ഗ്രസ് പ്രവര്‍ത്തകന്‍ എബിന്‍ വീണ്ടും അറസ്റ്റില്‍. ആദ്യത്തെ കേസില്‍ ജാമ്യമെടുക്കുന്നതിനിടെയാണ് പാലക്കാട് ശ്രീകൃഷ്ണപുരം പൊലീസ് അറസ്റ്റ് ചെയ്തത്.
🙏കോഴിക്കോട് പേരാമ്പ്രയില്‍ യുവാവിനെ മര്‍ദിച്ച് അവശനാക്കി വഴിയില്‍ തള്ളിയ കേസില്‍ രണ്ടു പ്രതികളെ പൊലീസ് പിടികൂടി. പേരാമ്പ്ര സ്വദേശി ജിനീഷിനെ മര്‍ദിച്ച ശാസ്താംകോട്ട സ്വദേശികളായ സയ്യിദ് മുഹമ്മദ്, നിയാസ് എന്നിവരെയാണ് അറസ്റ്റു ചെയ്തത്.
🇳🇪 ദേശീയം 🇳🇪
🙏തമിഴ്നാട്ടില്‍ എഐഎഡിഎംകെ എന്‍ഡിഎ വിട്ടു. ബിജെപി ബന്ധം ഉപേക്ഷിക്കാന്‍ ചെന്നൈയില്‍ ചേര്‍ന്ന എഐഎഡിഎംകെ നേതൃയോഗം തീരുമാനിച്ചു. ലോക്സഭാ തെരഞ്ഞെടുപ്പില്‍ ഒറ്റയ്ക്കു മത്സരിക്കാനാണ് തീരുമാനം.
🙏മണിപ്പൂരില്‍ ആധാര്‍ നഷ്ടമായവര്‍ക്ക് അതു നല്‍കണമെന്ന് സുപ്രീംകോടതി. മണിപ്പൂരിലെ കോടതികളില്‍ വീഡിയോ കോണ്‍ഫറന്‍സ് സൗകര്യം ഉറപ്പാക്കണം. ഒരു വിഭാഗത്തിലുള്ളവര്‍ക്ക് ഹൈക്കോടതിയില്‍ ഹാജരാകാന്‍ കഴിയുന്നില്ലെന്ന പരാതി പരിഗണിച്ചാണ് കോടതിയുടെ ഉത്തരവ്.
🙏അദാനി – മോദി ബന്ധം ചോദ്യം ചെയ്തതിനാണ് തന്റെ ലോക്സഭാംഗത്വം റദ്ദാക്കിയതെന്ന് രാഹുല്‍ ഗാന്ധി. കോണ്‍ഗ്രസ് അധികാരത്തിലെത്തിയാല്‍ ജാതി സെന്‍സസ് നടത്തും. ജാതി സെന്‍സസിനെകുറിച്ച് പാര്‍ലമെന്റില്‍ സംസാരിക്കാന്‍ മോദിസര്‍ക്കാര്‍ അനുവദിച്ചില്ലെന്നും രാഹുല്‍ ഗാന്ധി പറഞ്ഞു.
🙏ഉത്തര്‍പ്രദേശിലെ മുസാഫാര്‍നഗറില്‍ മുസ്ലിം വിദ്യാര്‍ത്ഥിയെ സഹപാഠിയെക്കൊണ്ട് അധ്യാപിക തല്ലിച്ച സംഭവം മുതിര്‍ന്ന ഐപിഎസ് ഉദ്യോഗസ്ഥന്‍ അന്വേഷിക്കണമെന്ന് സുപ്രീം കോടതി. സംഭവം മനഃസാക്ഷിയെ ഞെട്ടിക്കുന്നതെന്ന് കോടതി നിരീക്ഷിച്ചു.
🙏മെഡിക്കല്‍ പിജി പ്രവേശനത്തിനുള്ള നീറ്റ്-പിജി കട്ട് ഓഫ് പെര്‍സന്റൈല്‍ പൂജ്യമാക്കിയത് തുടരാന്‍ സുപ്രീം കോടതി അനുമതി. മെഡിക്കല്‍ വിദ്യാഭ്യാസത്തിന്റെ ഗുണനിലവാരം കുറയുമെന്ന് ആരോപിച്ച് ഒരു അഭിഭാഷകന്‍ നല്‍കിയ ഹര്‍ജി സുപ്രീംകോടതി തള്ളി.
🙏നിരോധിച്ച രണ്ടായിരം രൂപാ നോട്ടുകള്‍ ബാങ്കില്‍ നല്‍കി മാറ്റിയെടുക്കാനുള്ള സമയം ഈയാഴ്ചയോടെ അവസാനിക്കും. മെയ് 19 നാണ് 2,000 രൂപ നോട്ടുകള്‍ നിരോധിച്ചത്.
🙏ഛത്തീസ്ഗഡില്‍ ട്രെയിന്‍യാത്രയുമായി കോണ്‍ഗ്രസ് നേതാവ് രാഹുല്‍ഗാന്ധി. ബിലാസ്പൂരില്‍നിന്ന് തലസ്ഥാനമായ റായ്പൂരിലേക്കാണു യാത്ര ചെയ്തത്. ട്രെയിനില്‍ യാത്രക്കാരുമായി സംസാരിച്ചതിന്റെ ദൃശ്യങ്ങള്‍ വൈറലായി.
🇦🇺 അന്തർദ്ദേശീയം 🇦🇽
🙏കാനഡയിലെ ഖാലിസ്ഥാന്‍ അനുകൂലികള്‍ ന്യൂനപക്ഷമായ ഹിന്ദുക്കളെ ഭീഷണിപ്പെടുത്തുന്നതായി ഇന്റലിജന്‍സ് റിപ്പോര്‍ട്ട്. ക്ഷേത്രങ്ങള്‍ക്കുനേരേയും ഭീഷണിയുണ്ട്. ഭീഷണി മുഴക്കുന്ന സിക്കുകാര്‍ക്കെതിരേ കാനഡ നടപടിയെടുക്കുന്നില്ലെന്നും പരാതി.
🙏ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് സ്‌കൂള്‍ വിദ്യാര്‍ഥിനികളുടെ നഗ്നചിത്രങ്ങള്‍ നിര്‍മിച്ചു പ്രചരിപ്പിച്ചതിനെതിരേ സ്പെയിനില്‍ ജനങ്ങള്‍ തെരുവിലിറങ്ങി സമരം നടത്തി. തെക്ക്-പടിഞ്ഞാറന്‍ പ്രവിശ്യയായ ബഡാജോസിലെ അല്‍മെന്ദ്രാലെക്സോവിലാണ് കുട്ടികളുടെ മാതാപിതാക്കള്‍ അടക്കമുള്ളവര്‍ കുറ്റക്കാര്‍ക്കാര്‍ക്കെതിരേ നടപടി ആവശ്യപ്പെട്ട് റാലി നടത്തിയത്.
🏑🏏 കായികം 🏸🥍
🙏ഏഷ്യന്‍ ഗെയിംസില്‍ ഇന്ത്യക്ക് ഇരട്ട സ്വര്‍ണം. വനിതാ ക്രിക്കറ്റിലും പുരുഷന്മാരുടെ ഷൂട്ടിംഗിലുമാണ് സ്വര്‍ണം നേടിയത്. ക്രിക്കറ്റില്‍ ശ്രീലങ്കയെ 19 റണ്‍സിനു തോല്‍പിച്ചാണ് ഇന്ത്യന്‍ വനിതകള്‍ സ്വര്‍ണം സ്വന്തമാക്കിയത്. 10 മീറ്റര്‍ എയര്‍ റൈഫിളില്‍ മൂന്നംഗ ടീമാണു സ്വര്‍ണം വെടിവച്ചെടുത്തത്.
🙏ഏഷ്യന്‍ ഗെയിംസില്‍ ഇന്നലെ നേടിയ 6 മെഡലുകളോടെ ഇന്ത്യ 11 മെഡല്‍ നേടി ആറാം സ്ഥാനത്തെത്തി. 39 സ്വര്‍ണത്തോടെ 69 മെഡലുകള്‍ നേടിയ ചൈനയാണ് ഒന്നാം സ്ഥാനത്ത്. 10 സ്വര്‍ണത്തോടെ 33 മെഡലുകള്‍ നേടിയ കൊറിയ രണ്ടാം സ്ഥാനത്തും 5 സ്വര്‍ണത്തോടെ 31 മെഡലുകള്‍ കരസ്ഥമാക്കിയ ജപ്പാന്‍ മൂന്നാം സ്ഥാനത്തുമെത്തി.
