താമരശ്ശേരി. ചുരത്തില്‍ കാര്‍ കൊക്കയിലേക്ക് മറിഞ്ഞ് യുവതി മരിച്ചു. വയനാട് മുട്ടില്‍ മരക്കാര്‍ വീട്ടില്‍ ശിഹാബുദ്ദീന്റെ ഭാര്യ റഷീദ ആണ് മരിച്ചത്. കുട്ടികള്‍ ഉള്‍പ്പെടെ എട്ട് പേര്‍ക്ക് പരിക്കേറ്റു. മുഹമ്മദ് നിഷാദ് , മുഹമ്മദ് ഷാന്‍, മുഹമ്മദ് ഷഫിന്‍ , ആസിയ, ജിന്‍ഷാദ് , റിയ , അസ്ലം, ഷൈജല്‍ എന്നിവര്‍ക്കാണ് പരിക്കേറ്റത്.
സാരമായി പരിക്കേറ്റ മൂന്ന് പേരെ കോഴിക്കോട് മെഡിക്കല്‍ കോളേജ് ആശുപത്രിയിലും മറ്റുള്ളവരെ താമരശ്ശേരി താലൂക്ക് ആശുപത്രിയിലും ഈങ്ങാപ്പുഴയിലെ സ്വകാര്യ ആശുപത്രിയിലും പ്രവേശിപ്പിച്ചു. ചുരം രണ്ടാം വളവിന് താഴെ ഇന്നലെ രാത്രി ഒന്‍പത് മണിയോടെയായിരുന്നു അപകടം. കരിപ്പൂര്‍ എര്‍പോര്‍ട്ടില്‍ പോയി മടങ്ങുന്നതിനിടെ ഇന്നോവ കാര്‍ നിയന്ത്രണം വിട്ട് നൂറ് മീറ്ററോളം താഴ്ചയിലേക്ക് പതിക്കുകയായിരുന്നു. മണിക്കൂറുകള്‍ നീണ്ട രക്ഷാ പ്രവര്‍ത്തനത്തിനൊടുവിലാണ് എല്ലാവരേയും കരക്കെത്തിച്ചത്.
