37 തസ്തികകളില്‍ വിജ്ഞാപനം പ്രസിദ്ധീകരിക്കാന്‍ പിഎസ്‌സി തീരുമാനം. ലാസ്റ്റ് ഗ്രേഡ് സെര്‍വന്റ്‌സിന്റെ വിജ്ഞാപനം ഡിസംബര്‍ 15 ഓടേയാണ് പ്രസിദ്ധീകരിക്കുക. ഈ വര്‍ഷം മുതല്‍ ഒറ്റ പരീക്ഷ മാത്രമായി നടക്കുന്ന ലാസ്റ്റ് ഗ്രേഡ് സെര്‍വന്റ്‌സിന് ജനുവരി 17 വരെ അപേക്ഷിക്കാം. ഏഴാം ക്ലാസാണ് യോഗ്യത. ബിരുദമുള്ളവര്‍ക്ക് അപേക്ഷിക്കാനാകില്ല.
സംസ്ഥാനതല ജനറല്‍ റിക്രൂട്ട്‌മെന്റില്‍ മെഡിക്കല്‍ വിദ്യാഭ്യാസ വകുപ്പില്‍ അസി. പ്രഫസര്‍ ഇന്‍ നെഫ്രോളജി, വാട്ടര്‍ അതോറിറ്റിയില്‍ അസി. ഡേറ്റബേസ് അഡ്മിനിസ്‌ട്രേറ്റര്‍, മെഡിക്കല്‍ ഓഫീസര്‍ (സിദ്ധ), ടൂറിസ്റ്റ് ഇന്‍ഫര്‍മേഷന്‍ ഓഫീസര്‍, ജനറല്‍ ഫിസിയോതെറാപ്പിസ്റ്റ്, അഗ്രികള്‍ചര്‍ അസിസ്റ്റന്റ് ഗ്രേഡ് രണ്ട് അടക്കം 11 തസ്തികയിലേക്കാണ് വിജ്ഞാപനം. ജില്ലാ തല ജനറല്‍ റിക്രൂട്ട്‌മെന്റില്‍ ലാസ്റ്റ്‌ഗ്രേഡ് സെര്‍വന്റ്‌സ്, പൊതുമരാമത്ത് വകുപ്പില്‍ ലൈന്‍മാന്‍, മൃഗസംരക്ഷണ വകുപ്പില്‍ പമ്പ് ഓപ്പറേറ്റര്‍/പ്ലംബര്‍ അടക്കം നാല് തസ്തികയില്‍ അപേക്ഷിക്കാം.
