Advertisement
പത്തനംതിട്ട കൈപ്പട്ടൂർ അടൂർ റോഡിൽ കെഎസ്ആർടിസി ബസുകൾ കൂട്ടിയിടിച്ച് മുപ്പത് പേർക്ക് പരുക്ക്. അമിത വേഗത്തിലെത്തിയ തിരുവനന്തപുരം ബസ് മുണ്ടക്കയം ബസിലേക്ക് ഇടിച്ച് കയറുകയായിരുന്നു എന്ന് നാട്ടുകാർ പറഞ്ഞു. മുണ്ടക്കയം ബസിലെ ഡ്രൈവർക്ക് ഗുരുതര പരുക്കേറ്റു. ഏറെ പണിപ്പെട്ടാണ് തുടയെല്ലു തകർന്ന ഡ്രൈവറെ പുറത്തിറക്കിയത്. പിന്നോട്ട് പോയ തിരുവനന്തപുരം ബസ് പഞ്ചായത്ത് കിണറും സമീപത്തെ വീടിന്റെ മതിലും തകർത്തു. മുണ്ടക്കയം ബസിലെ ഡ്രൈവറെ കോട്ടയം മെഡിക്കൽ കോളജിലും മറ്റുള്ളവരെ പത്തനംതിട്ട ജനറൽ ആശുപത്രിയിലും പ്രവേശിപ്പിച്ചു.
Advertisement
