Advertisement
കൊച്ചി. കൈവെട്ട് കേസില്‍ പ്രതി സവാദിന്റെ തിരിച്ചറിയല്‍ പരേഡ് ഉടന്‍. കോടതിയില്‍ ഇതിനായുള്ള അപേക്ഷ എന്‍ഐഎ ഫയല്‍ ചെയ്തു. പ്രൊഫസര്‍ ടി.ജെ.ജോസഫ്, കുറ്റകൃത്യം കണ്ട മറ്റ് ദൃക്സാക്ഷികള്‍ എന്നിവരെ സവാദ് കിടക്കുന്ന എറണാകുളം സബ് ജയിലില്‍ എത്തിച്ച് തിരിച്ചറിയല്‍ പരേഡ് നടത്തും. ഇതിന് ശേഷമാകും പ്രതിയെ കസ്റ്റഡിയില്‍ വാങ്ങി ചോദ്യം ചെയ്യുക. പ്രതിയെ ഒളിവില്‍ കഴിയാന്‍ സഹായിച്ചവര്‍, ഗൂഢാലോചന തുടങ്ങി വിവിധ മേഖലകളില്‍ വിശദമായ അന്വേഷണം നടക്കും. പ്രതിയില്‍ നിന്നും പിടിച്ചെടുത്ത ഫോണ്‍ വിശദ പരിശോധനയ്ക്ക് വിധേയമാക്കും. ഇന്നലെയാണ് കണ്ണൂര്‍ മട്ടന്നൂര്‍ ബേരത്ത് നിന്നും പ്രതി സവാദ് പിടിയിലാകുന്നത്.
Advertisement
