Advertisement
മലപ്പുറം മഞ്ചേരിയില്‍ 7.945 കിലോഗ്രാം കഞ്ചാവുമായി ഇതര സംസ്ഥാന തൊഴിലാളി അറസ്റ്റില്‍. വെസ്റ്റ് ബംഗാള്‍ സ്വദേശി അബ്ദുല്‍ ബറല്‍ (30) ആണ് പിടിയിലായത്. എക്സൈസ് കമ്മീഷണറുടെ ഉത്തര മേഖല സ്‌ക്വാഡും, മലപ്പുറം എക്സൈസ് ഇന്റലിജന്‍സും, മഞ്ചേരി എക്സൈസ് റേഞ്ച് സംഘവും സംയുക്തമായിട്ടായിരുന്നു റെയ്ഡ്. സ്ഥിരമായി ഒരേ സ്ഥലത്ത് താമസിക്കാത്ത ഇയാള്‍ ഇടയ്ക്കിടക്കു താമസസ്ഥലം മാറ്റുന്നതിനാല്‍ പിടികൂടാന്‍ സാധിച്ചിരുന്നില്ല. ഇന്നലെ ഇയാള്‍ കഞ്ചാവ് വില്പനയ്ക്കിറങ്ങിയതായി വിവരം ലഭിച്ചതിനാല്‍ ജില്ലയുടെ വിവിധ ഭാഗങ്ങളില്‍ വ്യാപക പരിശോധന നടത്തിയാണ് ഇയാളെ പിടികൂടാന്‍ സാധിച്ചത്. കഞ്ചാവ് വില്പനയിലൂടെ ലഭിച്ച 35,000 രൂപയും ഇയാളില്‍ നിന്ന് കണ്ടെടുത്തിട്ടുണ്ട്.
Advertisement
