Advertisement
കണ്ണൂര്‍. ലോക്‌സഭാ തെരഞ്ഞെടുപ്പിന് മുന്നോടിയായി ബിജെപി സംസ്ഥാന അധ്യക്ഷൻ കെ സുരേന്ദ്രൻ നയിക്കുന്ന കേരള പദയാത്ര ഇന്ന് കണ്ണൂരിൽ പര്യടനം നടത്തും. മോദിയുടെ ഗ്യാരന്റി, പുതിയ കേരളം എന്നതാണ് എൻ ഡി എ പദയാത്രയുടെ മുദ്രാവാക്യം. വൈകിട്ട് 3 മണിക്ക് കളക്ടറേറ്റ് മൈതാനിയിൽ നടക്കുന്ന പൊതുസമ്മേളനം സുരേഷ് ഗോപി ഉദ്ഘാടനം ചെയ്യും. പദയാത്രയുടെ ഭാഗമായി പൗരപ്രമുഖരുമായുള്ള കൂടിക്കാഴ്ചയും ഒരുക്കിയിട്ടുണ്ട്. 20 ലോക്‌സഭാ മണ്ഡലങ്ങളിലൂടെ കടന്നുപോകുന്ന യാത്ര ഫെബ്രുവരി 27ന് പാലക്കാട് സമാപിക്കും.
Advertisement
