Advertisement
കണ്ണൂർ. പഴയങ്ങാടിയിൽ ഗ്യാസ് ടാങ്കർ ലോറി മറിഞ്ഞ് അപകടം. നിയന്ത്രണം വിട്ട ഗ്യാസ് ടാങ്കർ 3 വാഹനങ്ങളിൽ ഇടിച്ചാണ് മറിഞ്ഞത്. വാതക ചോർച്ചയില്ലാത്തത് വൻ ദുരന്തം ഒഴിവാക്കി. പുലർച്ചെ മുതൽ തടസ്സപ്പെട്ട ഗതാഗതം വൈകിട്ടോടെ പുനസ്ഥാപിച്ചു.
പുലർച്ചെ ഒന്നരയോടെയാണ് മംഗളൂരുവിൽ നിന്ന് വരികയായിരുന്ന ഗ്യാസ് ടാങ്കർ പഴയങ്ങാടി പാലത്തിൽ അപകടത്തിൽപ്പെട്ടത്. നിയന്ത്രണം വിട്ട ടാങ്കർ എതിർ ദിശയിൽ നിന്ന് വരികയായിരുന്ന 3 വാഹനങ്ങളിൽ ഇടിച്ചാണ് മറിഞ്ഞത്. 12 ഓളം പേർക്ക് നിസ്സാര പരിക്കേറ്റു.
വാതകച്ചോർച്ച ഇല്ലാത്തത് വൻ അപകടമാണ് ഒഴിവാക്കിയത്. മണിക്കൂറുകളായി തടസ്സപ്പെട്ട ഗതാഗതം വൈകിട്ടോടെ പുനസ്ഥാപിച്ചു. സ്ഥലത്തുനിന്ന് ടാങ്കർ നീക്കി.
അതേസമയം കോഴിക്കോട് വടകരയിൽ ഗ്യാസുമായി എത്തിയ ടാങ്കർ ലോറിയും ടിപ്പർ ലോറിയും കൂട്ടിയിടിച്ച് അപകടം. ടിപ്പർ ലോറി ഡ്രൈവർക്ക് പരുക്കേറ്റു
Advertisement
