തിരുവനന്തപുരം പള്ളിപുറത്ത് നിയന്ത്രണം തെറ്റിയ ആംബുലൻസ് ഇടിച്ച് സ്‌കൂട്ടർ യാത്രികന് ഗുരുതര പരിക്ക്. ആബുലസിന്റെ ടയർ പൊട്ടിത്തെറിച്ചാണ് അപകടം ഉണ്ടായത്. പരിക്കേറ്റ മുരുക്കുംപുഴ സ്വദേശി പ്രസന്നകുമാറിനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേഷിപ്പിച്ചു.
ഇന്ന് രാവിലെ 11 മണിയോടെയാണ് അപകടം നടന്നത്. പള്ളിപ്പുറത്ത് ദേശീയപാത 66 ൻറെ നിർമ്മാണ പ്രവർത്തനങ്ങൾ നടക്കുന്ന സ്ഥലത്തായിരുന്നു അപകടം. തിരുവനന്തപുരം മെഡിക്കൽ കോളജ് ആശപത്രിയിലേക്ക് രോഗിയുമായി പോവുകയായിരുന്ന ആംബുലന്സിനാണ് ടയർ പൊട്ടിയതോടെ നിയന്ത്രണം തെറ്റിയത്. എതിരെ വന്ന സ്‌കൂട്ടറിൽ ആംബുലൻസ് ഇടിക്കുകയായിരുന്നു. ആംബുലസ് ഇടിച്ചു തെറിപ്പിച്ച സ്‌കൂട്ടർ യാത്രികൻ പ്രസന്നകുമാർ സമീപത്തെ ഓടയിലേക്ക് വീണു. ഗുരുതരമായി പരിക്കേറ്റ ഇയാളെ നാട്ടുകാർ തിരുവനന്തപുരം മെഡിക്കൽ കോളജ് ആശുപത്രിയിൽ എത്തിച്ചു. ആംബുലൻസിൽ ഉണ്ടായിരുന്നവർ നിസാര പരിക്കുകളോടെ രക്ഷപെട്ടു.
