കൊച്ചി. നടു റോഡിൽ നവജാത ശിശുവിൻറെ മൃതദേഹം കണ്ട സംഭവത്തില്‍ മൂന്നുപേര്‍ കസ്റ്റഡിയില്‍. അച്ഛനും അമ്മയും മകളുമാണ് പിടിയില്‍. സമീപമുള്ള ഫ്ലാറ്റിൽ നിന്ന് എറിഞ്ഞ് കൊന്നത് എന്ന് സംശയം. ഈ മൂന്നു പേരെ പോലീസ് ചോദ്യം ചെയ്യുന്നു. ശുചി മുറിയിൽ നിന്ന് രക്തക്കറ കണ്ടെത്തി.
രാവിലെ എട്ടു മണിയോടെയാണ് കൊച്ചി പനമ്പിള്ളിയിലെ വിദ്യാനഗറിലെ ഫ്ലാറ്റിനു മുന്നിൽ നിന്ന് നവജാത ശിശുവിൻറെ മൃതദേഹം കണ്ടെത്തിയത്. കൊറിയര്‍ കവറില്‍ പൊതിഞ്ഞനിലയിലായിരുന്നു മൃതദേഹം. നടുറോഡിൽ ദിവസങ്ങൾ മാത്രം പ്രായമുള്ള ആൺകുഞ്ഞിന്റെ മൃതദേഹം കണ്ടെത്തിയ സംഭവം നടുക്കമായി .
ഫ്ലാറ്റിൽ നിന്ന് കുഞ്ഞിനെ താഴേക്ക് എറിയുന്നതിന്റെ സിസിടിവി ദൃശ്യങ്ങളും പോലീസിന് ലഭിച്ചു.
ആശാവർക്കർമാരുടെ പട്ടികയിൽ ഫ്ലാറ്റിൽ ഗർഭിണികളില്ല.ഫ്ലാറ്റിലെ ഫൈവ് സി കേന്ദ്രീകരിച്ചാണ് പോലീസിന്റെ അന്വേഷണം. ഫ്ലാറ്റിലെ ശുചിമുറിയിൽ നിന്നും രക്തക്കറിയും കണ്ടെത്തിയിട്ടുണ്ട്. ഇവരെ പൊലീസ് കസ്റ്റസിയിൽ എടുത്തു
24 മണിക്കൂറിനുള്ളിൽ പ്രതികളെ പിടികൂടും എന്ന് കൊച്ചി സിറ്റി പോലീസ് കമ്മീഷണർ .
സംഭവത്തിൽ ബാലവകാശ കമ്മീഷൻ സ്വമേധയാ കേസെടുത്തിട്ടുണ്ട്.കുഞ്ഞിനെ ജീവനോടെയാണോ താഴേക്ക് എറിഞ്ഞത് അതോ കൊലപ്പെടുത്തിയതിന് ശേഷമാണോ എറിഞ്ഞത് എന്നത് സംബന്ധിച്ച കാര്യങ്ങളിൽ ഇനിയും വ്യക്തത വന്നിട്ടില്ല
