പത്തനംതിട്ട. അപകടത്തിൽ പരിക്കേറ്റ കുട്ടിയെ വഴിയിൽ ഉപേക്ഷിച്ച് മുങ്ങാൻ ശ്രമിച്ച സഹയാത്രികനെ നാട്ടുകാർ തടഞ്ഞുവെച്ച് പൊലീസിൽ ഏൽപ്പിച്ചു . പത്തനംതിട്ട കുഴിക്കാലയിലാണ് അസാധാരണ സംഭവം നടന്നത്.ബൈക്കിൽ നിന്ന് തെറിച്ച് വീണ് പരിക്കേറ്റ 17 കാരൻ നെല്ലിക്കാല സ്വദേശി സുധീഷ് സംഭവസ്ഥലത്ത് വച്ച് തന്നെ മരിച്ചു .ബൈക്കോടിച്ചിരുന്ന കുലശേഖരപതി സ്വദേശി സഹദാ സുധീഷിനെ വഴിയിൽ ഉപേക്ഷിച്ച് മുങ്ങാൻ ശ്രമിച്ചത് .
ഇന്നലെ രാത്രി എട്ടരയോടു കൂടിയാണ് നെല്ലിക്കാലയിലെ വീട്ടിൽ നിന്ന് സഹദിനൊപ്പം സുധീഷ് ബൈക്കിൽ പോകുന്നത് -കഴിക്കാനുള്ള മിച്ചർ വാങ്ങിക്കാൻ പോകുന്നു എന്നാണ് വീട്ടിലുള്ളവരോട് പറഞ്ഞത് . ബൈക്ക് വേഗതയിൽ വരുന്നതും പിന്നീട് മറിയുന്നതും സിസിടിവി ദൃശ്യങ്ങളിൽ വ്യക്തമാണ് . റോഡിൽ വീണു കിടന്ന സുധീഷിനെ അവിടെ ഉപേക്ഷിച്ച് സഹദ് ബൈക്ക് തള്ളി വേഗത്തിൽ മുന്നോട്ടു പോകുന്നതാണ് ദൃശ്യങ്ങളിൽ ഉള്ളത് .സംഭവസ്ഥലത്തുണ്ടായിരുന്ന നാട്ടുകാർ 20കാരനെ തടഞ്ഞു വയ്ക്കുകയായിരുന്നു
നെല്ലിക്കാല സ്വദേശിയായ 17 കാരൻ സുധീഷ് ലൈറ്റ് ആൻഡ് സൗണ്ടിന്റെ ജോലിക്ക് ഒക്കെ പോകുന്നയാളാണ് . സഹദാകട്ടെ മീൻ കച്ചവടം നടത്തുന്നയാളും .ഇരുവരും സുഹൃത്തുക്കളാണെന്ന് വീട്ടുകാർ പറഞ്ഞു . സഹദിനെ ആറന്മുള പോലീസ് കസ്റ്റഡിയിൽ എടുത്തിട്ടുണ്ട് .ഇയാൾക്കെതിരെ അപകടകരമായി വാഹനം ഓടിച്ചതിനും മനപ്പൂർവമല്ലാത്ത നരഹത്യയ്ക്കും പോലീസ് കേസെടുത്തു
