Advertisement
കാസര്‍ഗോഡ്.രാഷ്ട്രീയ ഇടപെടല്‍ മൂലമുണ്ടായ ജോലി സമ്മർദ്ദം മൂലം ആത്മഹത്യ ചെയ്ത ബേഡകം സ്റ്റേഷനിലെ എ എസ് ഐ വിജയന്റെ മൃതദേഹം ഇന്ന് സംസ്കരിക്കും. കാഞ്ഞങ്ങാട് പോലീസ് സ്റ്റേഷൻ, ബേഡകം പോലീസ് സ്റ്റേഷൻ എന്നിവിടങ്ങളിലെ പൊതുദർശനത്തിന് ശേഷം മൃതദേഹം ബന്ധുക്കൾക്ക് വിട്ട് നൽകും.
വിജയന്റെ ആത്മഹത്യയ്ക്ക് പിന്നിൽ ഭരണ രാഷ്ട്രീയ സമ്മർദ്ദമുണ്ടെന്ന ആരോപണത്തിൽ ഉറച്ച് നിൽക്കുകയാണ് പ്രതിപക്ഷം. വിജയന് മാനസിക സമ്മർദ്ദം ഉണ്ടായെന്നും, പിന്നിൽ പ്രവർത്തിച്ചവർക്കെതിരെ ശക്തമായ നടപടി വേണമെന്നുമുള്ള ആവശ്യം സേനയ്ക്കുള്ളിലും ശക്തമാവുകയാണ്. വിജയന്റെ ആത്മഹത്യയിൽ പ്രതിപക്ഷ ആരോപണം ശക്തമായതോടെ സിപിഐഎം ബേഡകത്ത് ഇന്ന് രാഷ്ട്രീയ വിശദീകരണ യോഗം നടത്തും
Advertisement
