പന്മന: മാനവികമായ അറിവിന്റെ അടിസ്ഥാന പ്രമാണങ്ങൾ കേരളത്തിന്‌ നൽകിയ മഹാഗുരുവാണ് ചട്ടമ്പിസ്വാമികളെന്ന് പശ്ചിമ ബംഗാൾ ഗവർണർ ഡോ. സി. വി. ആനന്ദബോസ്. പന്മന ആശ്രമത്തിൽ ചട്ടമ്പിസ്വാമി സമാധി ശതാബ്‌ദിയുടെ ഭാഗമായി നടന്ന മഹാഗുരുജ്വാല ഉദ്ഘാടനം ചെയ്യുകയായിരുന്നു അദ്ദേഹം. ചട്ടമ്പിസ്വാമിയുടെ ജ്ഞാനശക്തിയും കുമ്പളത്തു ശങ്കുപിള്ളയുടെ കർമശക്തിയും കേരളത്തിന്റെ ചരിത്രത്തെ ആഴത്തിൽ സ്വാധീനിച്ചു. മഹാഗുരുവിന്റെ പ്രേരണയാണ് നിരവധി ആചാര്യന്മർക്ക് വഴിയൊരുക്കിയത്. കേന്ദ്രസർക്കാരിന്റെ വിദ്യാഭ്യാസപദ്ധതിയിൽ ചട്ടമ്പിസ്വാമി ദർശനം ഉൾപ്പെടുത്തുമെന്നും ഗവർണർ പറഞ്ഞു. കുമ്പളത്ത് ശങ്കുപ്പിള്ള അനുസ്മരണം എൻ. കെ. പ്രേമചന്ദ്രൻ എം. പി. നിർവഹിച്ചു. സ്വാമി കൃഷ്ണമയാനന്ദ തീർത്ഥപാദർ, പ്രകാശ് ബാബു, കോലത്ത് വേണുഗോപാൽ, കവി കുരീപ്പുഴ ശ്രീകുമാർ, അരുൺ അരവിന്ദ് എന്നിവർ സംസാരിച്ചു. തുടർന്ന് വിൽകലാമേളയും സ്വാമി കൃഷ്ണ മയാനന്ദ തീർത്ഥപാദരുടെ സോപാന നൃത്തവും നടന്നു.
