കൊച്ചി: സ്മാര്‍ട്ട്സിറ്റിയുടെ പെയ്ന്റിംഗ് ജോലികള്‍ക്കായി വെച്ചിരുന്ന ഫ്രെയിം തകര്‍ന്നു വീണ് ഒരാള്‍ മരണമടഞ്ഞു.
അഞ്ചുപേര്‍ക്ക് പരിക്കേറ്റു. ഒരാളുടെ നില ഗുരുതരമാണെന്ന് വിവരം. പരിക്കേറ്റവരെയെല്ലാം ആശുപത്രിയില്‍ പ്രവേശിപ്പിച്ചു. ബീഹാര്‍ സ്വദേശി ഉത്തം ആണ് മരണമടഞ്ഞത്.
ഇന്ന് രാവിലെയായിരുന്നു ഇന്‍ഫോര്‍ പാര്‍ക്കിന് സമീപം സ്മാര്‍ട്ട്സിറ്റി ഏരിയയില്‍ ഇരുമ്ബ് ഫ്രെയിം തകര്‍ന്നു വീണത്. 24 നിലയുള്ള കെട്ടിടത്തിന്റെ മിനുക്കുപണിക്കായി കൊണ്ടുവന്ന ഫ്രെയിമാണ് തകര്‍ന്നുവീണത്. ഏറ്റവും മുകളില്‍ ജോലി ചെയ്തിരുന്നവര്‍ താഴേയ്ക്ക് വീഴുകയും ഇരുമ്ബ് കമ്ബികള്‍ക്ക് ഇടയില്‍ പെടുകയുമായിരുന്നു. എല്ലാവരേയും അത്യാഹിത വിഭാഗത്തില്‍ പ്രവേശിപ്പിച്ചിരിക്കുയകാണ്. ഉത്തത്തിന്റെ മൃതദേഹം
കമ്ബികള്‍ക്കിടയില്‍ കുടുങ്ങിപ്പോയവരെ ഫയര്‍ഫോഴ്സ് എത്തി പുറത്തെടുക്കുകയായിരുന്നു. അഞ്ചുപേരാണ് ചികിത്സയില്‍ കഴിയുകയാണ്. ജോലി ചെയ്തിരുന്നവരെല്ലാം അതിഥി തൊഴിലാളികളായിരുന്നു എന്നാണ് വിവരം. ഇവരുടെ പേരുവിവരങ്ങള്‍ പുറത്തുവന്നിട്ടില്ല.
