Advertisement
കോഴിക്കോട്. പയ്യോളി മൂരാട്, പെരിങ്ങാട് പ്രദേശങ്ങളില്‍ നാല് പേരെ കടിച്ച നായയ്ക്ക് പേവിഷബാധയുണ്ടെന്ന് സ്ഥിരീകരിച്ചു. തിങ്കളാഴ്ച വൈകീട്ട് വീട്ടുമുറ്റത്ത് കളിക്കുയായിരുന്ന എട്ടു വയസ്സുകാരി ആഷ്മിക, കീഴനാരി മൈഥിലി, ശ്രീരേഷ് ഒഴിവയലില്‍, ബാലകൃഷ്ണന്‍ എന്നിവര്‍ക്കാണ് നായയുടെ കടിയേറ്റത്. നായയുടെ കടിയേറ്റയാള്‍ നായയെ കീഴ്പ്പെടുത്തി കെട്ടിയിട്ടിരുന്നു. അവശനായ നായ രാത്രിയോടെ ചത്തു. തുടര്‍ന്ന്, നഗരസഭാംഗം കെ കെ സ്മിതേഷും പയ്യോളി നഗരസഭാ ആരോഗ്യ വിഭാഗവും ഇടപെട്ട് നായയുടെ മൃതദേഹം കണ്ണൂര്‍ ജില്ലാ ഗവ. മൃഗാശുപത്രിയില്‍ പോസ്റ്റ്‌മോര്‍ട്ടത്തിന് വിധേയമാക്കുകയും പേവിഷ ബാധ സ്ഥിരീകരിക്കുകയുമായിരുന്നു.
Advertisement
