Advertisement
പ്രശസ്ത സംവിധായകനും ഛായാഗ്രാഹകനുമായ സംഗീത് ശിവൻ്റെ സംസ്കാരം ഇന്ന് മുംബൈയിൽ നടക്കും. മുംബൈയിലെ ഓഷിവാര ഹിന്ദു ശ്മശാനത്തിൽ വൈകീട്ട് നാല് മണിയോടെയാണ് ചടങ്ങുകൾ . രാവിലെ 10 മണിയോടെ മൃതദേഹം ആശുപത്രിയിൽ നിന്ന് മുംബൈയിലെ വസതിയിൽ എത്തിക്കും. ഇന്നലെയാണ് ഹൃദയാഘാതം മൂലം മുംബൈയിലെ സ്വകാര്യ ആശുപതിയിൽ വച്ച് ചികിത്സയിലിരിക്കെ സംഗീത് ശിവൻ അന്തരിച്ചത്. യോദ്ധ, നിർണയം, ഗാന്ധർവം തുടങ്ങി നിരവധി ഹിറ്റ് ചിത്രങ്ങളുടെ സംവിധായകനാണ്. അന്തരിച്ച പ്രശസ്ത ഫോട്ടോഗ്രാഫർ ശിവനാണ് പിതാവ്. ഛായാഗ്രാഹകനും സംവിധായകനുമായ സന്തോഷ് ശിവൻ, സംവിധായകൻ സഞ്ജീവ് ശിവൻ എന്നിവർ സഹോദരങ്ങളാണ്. ഹിന്ദിയിലും എട്ടുസിനിമകൾ സംവിധാനംചെയ്തിട്ടുണ്ട്.
Advertisement
