പത്തനംതിട്ട. മല്ലപ്പള്ളിയിൽ നിന്ന് കാണാതായ പതിനാലുകാരനെ കണ്ടെത്തി .ചെന്നൈയിൽ ജോലിചെയ്യുന്ന കൊല്ലം സ്വദേശിയാണ് ഇയാളെ ചെന്നൈ റെയിൽവേ സ്റ്റേഷനിൽ നിന്ന് തിരിച്ചറിഞ്ഞത് .മാധ്യമങ്ങളിലെ വാർത്തകൾ ശ്രദ്ധയിൽപ്പെട്ട കൊല്ലം സ്വദേശിയായ റിനു സംശയം തോന്നി ആദിത്യനോട് കാര്യങ്ങൾ ചോദിച്ചറിയുകയായിരുന്നു -കാണാതായ കുട്ടിയാണെന്ന് ഉറപ്പിച്ചതോടെ വീട്ടുകാരെയും കീഴ്വായ്പൂര് പോലീസിനെയും വിവരമറിയിച്ചു -ചെന്നൈയിൽ നിന്ന് തിരുവനന്തപുരത്ത് എത്തി തുടർന്ന് ബാംഗ്ലൂരിലേക്ക് പോകാനായിരുന്നു പതിനാലുകാരൻറെ ശ്രമം .
കാര്യങ്ങൾ പറഞ്ഞു ബോധ്യപ്പെടുത്തി കുട്ടിയെ കേരളത്തിലേക്ക് ട്രെയിൻ മാർഗ്ഗം മടക്കി വരികയാണ് -ചെന്നൈ ഗുരുവായൂർ ഇൻറർ സിറ്റി എക്സ്പ്രസ്സിൽ രാത്രി ഒരുമണിയോടെ കുട്ടിയെയും കൊണ്ട് കൊല്ലം സ്വദേശി റിനു കൊല്ലത്തെത്തും . ബന്ധുക്കളും കീഴ്വായ്പൂര് പോലീസും കൊല്ലത്തേക്ക് യാത്ര തിരിച്ചിട്ടുണ്ട് -ഇന്നലെയാണ് ട്യൂഷന് പോകാൻ ആണെന്ന് പറഞ്ഞ് മല്ലപ്പള്ളി സ്വദേശി അഭിലാഷിന്റെ മകൻ 14 കാരൻ ആദിത്യൻ വീടുവിട്ടിറങ്ങിയത് -കാണാതായതോടെ ബന്ധുക്കൾ പോലീസിൽ പരാതി നൽകുകയായിരുന്നു .സിനിമയിൽ അഭിനയിക്കാൻ പോകുന്നു എന്ന കുറിപ്പ് പിന്നീട് മാതാവിൻറെ ഫോണിൽ നിന്ന് പോലീസ് കണ്ടെടുത്തിരുന്നു
