Advertisement
കാസർകോട്. കാറഡുക്ക അഗ്രികൾചറിസ്‌റ്റ് വെൽഫെയർ കോഓപ്പറേറ്റീവ് സൊസൈറ്റി തട്ടിപ്പ് കേസ് ഇന്ന് ജില്ലാ ക്രൈംബ്രാഞ്ച് ഏറ്റെടുക്കും. ക്രൈംബ്രാഞ്ച് ഡിവൈഎസ്പി ഷിബു പാപ്പച്ചന്റെ നേതൃത്വത്തിലുള്ള സംഘമാണ് കേസ് അന്വേഷിക്കുക. ലോക്കൽ പോലീസ് അന്വേഷിച്ച കേസ് കഴിഞ്ഞ ദിവസമാണ് ജില്ലാ ക്രൈംബ്രാഞ്ചിന് കൈമാറി ഉത്തരവ് ഇറങ്ങിയത്. ബാങ്കിൽ നിന്ന് 4.76 കോടി രൂപ തട്ടിയ സെക്രട്ടറി കെ രതീശനെ പിടികൂടാൻ ഇത് വരെയും പോലീസിന് കഴിഞ്ഞിട്ടില്ല. അതിനിടെ തട്ടിപ്പ് സംബന്ധിച്ചു ഇപ്പോഴും ദുരൂഹത തുടരുകയാണ്.