സ്ത്രീവിരുദ്ധ പരാമർശം: കെ എസ് ഹരിഹരനെ ഇന്ന് ചോദ്യം ചെയ്യും

Advertisement

വടകര:
സ്ത്രീവിരുദ്ധ പരാമർശം നടത്തിയ കേസിൽ ആർഎംപി നേതാവ് കെ.എസ്.ഹരിഹരനെ പൊലീസ് ഇന്ന് ചോദ്യം ചെയ്യും. വടകര പൊലീസ് സ്റ്റേഷനിൽ ചോദ്യം ചെയ്യലിനു ഹാജരാകണമെന്നാവശ്യപ്പെട്ട് അന്വേഷണ ഉദ്യോഗസ്ഥൻ കഴിഞ്ഞ ദിവസം ഹരിഹരന് നോട്ടീസ് നൽകിയിരുന്നു.
വടകരയിലെ ഇടത് സ്ഥാനാർത്ഥി കെ കെ ശൈലജക്കും ചലച്ചിത്ര താരം മഞ്ചു വാര്യർക്കുമെതിരെ നടത്തിയ വിവാദ പരാമർശത്തിനെതിരെ ജനാധിപത്യ മഹിള അസോസിയേഷൻ നൽകിയ പരാതിയിലാണ് നടപടി. വടകരയിൽ യുഡിഎഫ് സംഘടിപ്പിച്ച പരിപാടിയിലായിരുന്നു ഹരിഹരന്റെ വിവാദ പരാമർശം. സ്ത്രീത്വത്തെ അപമാനിക്കൽ, കലാപാഹ്വാനം തുടങ്ങിയ വകുപ്പുകൾ ചുമത്തിയാണു പൊലീസ് കേസെടുത്തിരിക്കുന്നത്. പരാമർശത്തിൽ ഹരിഹരൻ ഖേദം പ്രകടിപ്പിച്ചിരുന്നു.

Advertisement