തിരുവനന്തപുരം. സോളാറിൽ വീണ്ടും വെളിപ്പെടുത്തൽ. സോളാർ സമരം ഒത്തുതീർപ്പാക്കാൻ മുൻകൈയെടുത്തത് ജോൺ ബ്രിട്ടാസ് എന്ന് വെളിപ്പെടുത്തൽ.മുതിർന്ന മാധ്യമപ്രവർത്തകനായ ജോൺ മുണ്ടക്കയം ആണ് വെളിപ്പെടുത്തൽ നടത്തിയത്
തന്നെ വിളിച്ച് സമരം എങ്ങനെയെങ്കിലും അവസാനിപ്പിക്കണ്ടേ എന്ന് ചോദിച്ചു.മുകളിൽ നിന്നുള്ള നിർദ്ദേശപ്രകാരമായിരുന്നു ഫോൺ കോൾ.ജുഡീഷ്യൽ അന്വേഷണം പത്രസമ്മേളനത്തിലൂടെ പ്രഖ്യാപിച്ചാൽ സമരം അവസാനിപ്പിക്കാം എന്നായിരുന്നു പറഞ്ഞത്. താൻ ഇക്കാര്യം മുഖ്യമന്ത്രി ഉമ്മൻചാണ്ടിയെ വിളിച്ചുപറഞ്ഞു.
പിന്നാലെ തിരുവഞ്ചൂർ രാധാകൃഷ്ണൻ ജോൺ ബ്രിട്ടാസിനേയും കോടിയേരി ബാലകൃഷ്ണനെയും വിളിച്ചു. പിന്നാലെ ഇടതു പ്രതിനിധിയായ എൻ കെ പ്രേമചന്ദ്രൻ യുഡിഎഫ് നേതാക്കളെ കണ്ടു. ഇതോടെ ആണ് സമരം ഒത്തുതീർപ്പായതെന്ന് ജോൺ മുണ്ടക്കയം. സമകാലിക മലയാളം വാരികയിലെ സോളാർ ഇരുണ്ടപ്പോൾ എന്ന ലേഖനത്തിലാണ് വെളിപ്പെടുത്തൽ
