മലപ്പുറം. അനാഥ സ്ത്രീയെ പീഡിപ്പിക്കുകയും മുഖത്ത് ചൂടുവെള്ളം ഒഴിച്ച് ഉപദ്രവിക്കുകയും ചെയ്ത പ്രതികൾ അറസ്റ്റിൽ. സംഭവം നടന്ന് രണ്ടു വർഷത്തിന് ശേഷമാണ് പ്രതികൾ പിടിയിലാകുന്നത്. കൊണ്ടോട്ടി സ്വദേശികളായ മുഹമ്മദ് ഷാഫി, മുഹമ്മദ് ഫൈസൽ, പട്ടാമ്പി സ്വദേശി മുഹമ്മദ് ഷെബീൽ എന്നിവരെയാണ് കുന്നമംഗലം പൊലിസ് അറസ്റ്റു ചെയ്തത്
2022 ജൂണിലാണ് കേസിനാസ്പദമായ സംഭവം.ഫോണിലൂടെ പരിചയപ്പെട്ട അനാഥ സ്ത്രീയെ കുന്നമo ഗലത്തെ ഫ്ലാറ്റിൽ വച്ചാണ് പീഡിപ്പിച്ചത്. കേസിലെ ഒന്നാം പ്രതി മുഹമ്മദ് ഫൈസൽ ആണ് ആദ്യം പീഡിപ്പിച്ചത്.പിന്നീട് സുഹൃത്തുക്കളായ മുഹമ്മദ് ഷാഫിയെയും മുഹമ്മദ് ഷെബീലിനേയും ഫ്ലാറ്റിലേക്ക് വിളിച്ചു വരുത്തുകയും ആയിരുന്നു. പിന്നീട് ഇവരും യുവതിയെ പീഡിപ്പിച്ചു. ചൂടുവെള്ളം മുഖത്ത് ഒഴിച്ച് മർദിക്കുകയും ചെയ്തു.ഈ സംഭവങ്ങൾക്ക് പിന്നാലെ യുവതി ഒന്നര വർഷത്തോളം അബോധാവസ്ഥയിൽ ചികിൽസയിലായിരുന്നു. ആരോഗ്യാവസ്ഥ തൃപ്തികരമായതിനു പിന്നാലെ യുവതിയുടെ മൊഴി കൂടുതലായി രേഖപ്പെടുത്തി.ഇത് പ്രതികളിലേക്ക് എത്താൻ സഹായകമായി. മൂന്ന് ടീമുകളായി തിരിഞ്ഞ് സി.ഐ ശ്രീകുമാറിൻ്റെ നേതൃത്തിൽ 12 ഓളം പൊലിസുകാരാണ് അന്വേഷണ സംഘത്തിൽ ഉണ്ടായിരുന്നത്.മലപ്പുറം, കൊണ്ടോട്ടി എന്നിവിടങ്ങളിൽ നിന്നാണ് പ്രതികൾ പിടിയിലായത്
