Advertisement
തിരുവല്ല:
ബിലീവേഴ്‌സ് ഈസ്‌റ്റേൺ സഭ പരമാധ്യക്ഷൻ അത്തനേഷ്യസ് യോഹാൻ മെത്രാപോലീത്തയുടെ സംസ്കാരം നടത്തി. തിരുവല്ല സെന്റ് തോമസ് ഈസ്‌റ്റേൺ ചർച്ച് കത്തീഡ്രലിലാണ് അത്തനേഷ്യസ് യോഹാന് അന്ത്യവിശ്രമം ഒരുക്കിയത്. സംസ്ഥാന സർക്കാരിന്റെ ഔദ്യോഗിക ബഹുമതികളോടെയാണ് സംസ്കാരം നടന്നത്.
രാവിലെ 9 മണി വരെ തിരുവല്ലയിലെ സഭാ ആസ്ഥാനത്ത് പൊതുദർശനത്തിന് വെച്ചതിന് ശേഷമാണ് സംസ്‌കാര ചടങ്ങുകൾ ആരംഭിച്ചത്. രണ്ട് ദിവസങ്ങളിലായി ആയിരക്കണക്കിനാളുകൾ ഭൗതിക ശരീരത്തിൽ അന്തിമോപചാരം അർപ്പിക്കാനെത്തി.
മന്ത്രി സജി ചെറിയാൻ, ഗവർണർ ആരിഫ് മുഹമ്മദ് ഖാൻ, എംപിമാർ, എംഎൽഎമാർ, ജനപ്രതിനിധികൾ തുടങ്ങിയവർ അന്തിമോപചാരം അർപ്പിക്കാനെത്തി. അമേരിക്കയിൽ വെച്ചുണ്ടായ അപകടത്തിലാണ് അത്തനേഷ്യസ് യോഹാൻ അന്തരിച്ചത്. മെയ് 19നാണ് മൃതദേഹം കേരളത്തിലെത്തിച്ചത്.
