മസാല ബോണ്ട് ഇടപാടിലെ ഇഡിയുടെ പുതിയ സമൻസ് ,തോമസ് ഐസക് നൽകിയ ഉപഹർജി ഇന്ന് വീണ്ടും പരിഗണിക്കും

Advertisement

കൊച്ചി.മസാല ബോണ്ട് ഇടപാടിലെ ഇ.ഡിയുടെ പുതിയ സമൻസ് ചോദ്യം ചെയ്ത് തോമസ് ഐസക് നൽകിയ ഉപഹർജി ഹൈക്കോടതി ഇന്ന് വീണ്ടും പരിഗണിക്കും. മസാല ബോണ്ട് കേസിലെ ഇ.ഡിയുടെ പുതിയ സമൻസിൽ തോമസ് ഐസക്കിനെതിരെ കടുത്ത നടപടികൾ പാടില്ലെന്നു നേരത്തെ ഹൈക്കോടതി വ്യക്തമാക്കുകയും തൽസ്ഥിതി തുടരാൻ നിർദേശം നൽകിക്കൊണ്ട് ഇടക്കാല ഉത്തരവിറക്കുകയും ചെയ്തിരുന്നു. സമൻസ് ചോദ്യം ചെയ്തു കൊണ്ടുള്ള ഐസക്കിന്റെ ഉപഹർജിയിൽ ഹൈക്കോടതി ഇന്ന് വിശദമായ വാദമാണ് കേൾക്കുക.
മസാലബോണ്ട് കേസിൽ ഫെമ നിയമ ലംഘനം ചൂണ്ടികാട്ടി ഹാജരാകാനായി ഐസക്കിനിത് ഏഴാം തവണയാണ് ഇ.ഡി നോട്ടീസ് നൽകിയത്. എന്നാൽ സമൻസ് ചോദ്യം ചെയ്ത് കോടതിയിൽ ഹർജിയിരിക്കെ വീണ്ടും സമൻസ് അയക്കുന്നത് കോടതിയോടുള്ള അനാദരവാണെന്നാണ് ഐസകിന്‍റെ വാദം.

Advertisement