കൊച്ചി. അവയവ കടത്തിന്റെ മറവിൽ ലൈംഗികമായി പീഡിപ്പിച്ചെന്ന് യുവതിയുടെ പരാതി. പനങ്ങാട് പോലീസ് അന്വേഷണം ആരംഭിച്ചു.
അവയവക്കടുത്ത് സംഘത്തിന്റെ
സാമ്പത്തിക കാര്യങ്ങൾ കൈകാര്യം ചെയ്തിരുന്നത് പിടിയിലായ സജിത്ത് എന്നും കണ്ടെത്തൽ. കേസിൽ കൂടുതൽ അറസ്റ്റ് ഉണ്ടാകുമെന്ന് എറണാകുളം റൂറൽ എസ്പി വൈഭവ് സക്സേന.
വൃക്ക കച്ചവടം നടത്തിയ യുവതിയാണ് പീഡനത്തിന് ഇരയായത്.
പണം നൽകാമെന്ന് പറഞ്ഞ് വിളിച്ചുവരുത്തി പീഡിപ്പിക്കുകയായിരുന്നുവെന്ന് യുവതി നൽകിയ പരാതിയിൽ പറയുന്നു. പനങ്ങാട് പോലീസ് അന്വേഷണം ആരംഭിച്ചിട്ടുണ്ട്.
എന്നാൽ നെടുമ്പാശ്ശേരി അവയവക്കടുതുമായി ഈ കേസിന് ബന്ധമില്ലെന്നാണ് എറണാകുളം റൂറൽ SP യുടെ പ്രതികരണം. ഇന്നലെ പിടിയിലായ സജിത്തും – സാബിത്തും തമ്മിൽ കോടികളുടെ സാമ്പത്തിക ഇടപാട് നടന്നതയാണ് കണ്ടെത്തൽ.
ഇറാനിലുള്ള കൊച്ചി സ്വദേശി മധുവിനെ നാട്ടിലെത്തിക്കാനുള്ള ശ്രമങ്ങളും ആരംഭിച്ചു. സാബിത്തിൽ നിന്ന് ലഭിച്ച മൊഴിയുടെ അടിസ്ഥാനത്തിലാണ് അന്വേഷണം മുന്നോട്ടുപോകുന്നത്.
ആവശ്യമെങ്കിൽ അന്വേഷണസംഘം ബംഗളൂരുവിലും ഹൈദരാബാദിലും പരിശോധന നടത്തും. കേസ് അന്വേഷണം കേന്ദ്ര ഏജൻസിക്ക് കൈമാറുന്നതിൽ ഇനിയും തീരുമാനമായിട്ടില്ല.
