കൊച്ചി. നെടുമ്പാശ്ശേരി അവയവ കടത്ത് കേസിൽ മുഖ്യപ്രതി പിടിയിൽ. പിടിയിലായത് വിജയവാഡ സ്വദേശി പ്രതാപൻ എന്ന
ബല്ലം രാമപ്രസാദ് ഗൊണ്ട. ഇരകളാക്കപ്പെട്ടവരുടെ കൂടുതൽ വിവരങ്ങൾ ലഭിച്ചെന്ന്
എറണാകുളം റൂറൽ എസ് പി വൈഭവ് സക്സേന.
അവയവക്കടത്ത് സംഘത്തിലെ പ്രധാനികൾ ഹൈദരാബാദിലെ എന്നായിരുന്നു കസ്റ്റഡിയിലുള്ള സാബിത്ത് നാസറിന്റെ മൊഴി.പ്രത്യേക അന്വേഷണസംഘം ഹൈദരാബാദിൽ നടത്തിയ പരിശോധനയിലാണ് മുഖ്യ കണ്ണി പിടിയിലായത് ബല്ലം രാമപ്രസാദ് ഗൊണ്ടയാണ് പിടിയിലായത്. രാജ്യാന്തര അവയവക്കടത്ത് സംഘത്തിലെ പ്രധാനിയാണ് ഇയാൾ. രാമ പ്രസാദിൽ നിന്ന് ഇരകളാക്കപ്പെട്ടവരുടെ കൂടുതൽ വിവരങ്ങൾ പോലീസിന് ലഭിച്ചു.
സാമൂഹ്യ മാധ്യമങ്ങൾ ഉൾപ്പെടെ ഉപയോഗിച്ചാണ് ഇരകളെ കണ്ടെത്തുന്നത്. കേരളത്തിൽനിന്ന് ഇതുവരെ ലഭിച്ചത് പാലക്കാട് സ്വദേശി ഷമീറിനെ കുറിച്ചുള്ള വിവരങ്ങൾ മാത്രം. ഇയാളെ കണ്ടെത്താനുള്ള അന്വേഷണവും ആരംഭിച്ചു.
അവയവ കടത്ത് കേസിൽ ഇതുവരെ മൂന്നു പേരാണ് പിടിയിലായത്. നേരത്തെ പിടിയിലായ സാബിത്തും കൊച്ചി സ്വദേശി മധുവും ചേർന്നാണ് ഇറാനിലെ കാര്യങ്ങൾ നിയന്ത്രിച്ചിരുന്നത്. മധുവിനെ ഇന്ത്യയിൽ എത്തിക്കാനുള്ള ശ്രമങ്ങൾ ആരംഭിച്ചതായും പ്രത്യേക അന്വേഷണസംഘം അറിയിച്ചു. ഹൈദരാബാദ് സ്വദേശിയെ കസ്റ്റഡിയിൽ വാങ്ങി വിശദമായി ചോദ്യം ചെയ്യും.
