കൊച്ചം.പ്രേമചന്ദ്രനോടുള്ള കൊല്ലം പ്രേമത്തിന് കുറവില്ല. പ്രേമചന്ദ്രന്റെ ഭൂരിപക്ഷം ഒന്നരലക്ഷത്തിന് മുകളിൽ
150302 വോട്ടിന്റെ ഭൂരിപക്ഷം. ഇടതുപക്ഷം തകര്‍ക്കാന്‍ ശ്രമിക്കുന്തോറും വളര്‍ന്നുവികസിക്കുന്ന ശക്തിദുര്‍ഗമായി മാറുകയാണ് എന്‍കെ പ്രേമചന്ദ്രന്‍ എന്ന വിസ്മയം.പ്രേമചന്ദ്രന്‍ ബിജെപിയിലേക്കുപോകും മോദിക്കൊപ്പം ചായകുടിച്ചു, ജയിച്ചാല്‍ കേന്ദ്ര മന്ത്രിയാകും ഇങ്ങനെ അടവുകളുടെ അവസാനഘട്ടമാണ് പ്രേമചന്ദ്രന്‍ കഷ്ടിച്ചു ജയിച്ചാലായി എന്ന ഇടതു തന്ത്രം. ഇതിനെ എല്ലാം ഒന്നര ലക്ഷത്തിന്‍റെ മേല്‍ക്കൈനേടി പൊടിച്ചുവിടുകയാണ് പ്രേമചന്ദ്രന്‍ ചെയ്തത്. ആര്‍എസ്പി എന്ന പാരമ്പര്യമുള്ള രാഷ്ട്രീയ കക്ഷിയുടെ പ്രസക്തിപ്രേമചന്ദ്രനിലേക്കു ചുരുങ്ങിയെങ്കിലും അത് തിളക്കത്തോടെ കാക്കാന്‍ പ്രേമചന്ദ്രനായി. സിപിഎമ്മിന്‍റെ അത്രയുമോ അതിലേറെയോ ബലം ആര്‍എസ്പിക്ക് ഇന്ത്യമുന്നണിയിലുണ്ടെന്നതോര്‍ത്ത് കൊല്ലം മുതല്‍ കൊല്ലം വരെയുള്ള പാര്‍ട്ടി എന്ന കളിയാക്കുകേട്ട ആര്‍എസ്പിക്കാര്‍ക്ക് ചിരിക്കാം.
