Advertisement
മക്ക. ഇന്ത്യൻ ഹാജിമാർ താമസിക്കുന്ന കെട്ടിടത്തിലെ ലിഫ്റ്റ് അപകടത്തിൽ പെട്ട് രണ്ട് ഇന്ത്യൻ തീർത്ഥാടകർ മരിച്ചു. ബീഹാറിൽ നിന്നുള്ള മുഹമ്മദ്‌സിദ്ധീഖ്‌ (73), അബ്ദുല്ലത്തീഫ് (70) എന്നിവരാണ് മരിച്ചത്. മക്കയിലെ അസീസിയയിൽ ഇന്ത്യൻ തീർത്ഥാടകർ താമസിക്കുന്ന ബിൽഡിങ് നമ്പർ 145 ൽ ആണ് അപകടം ഉണ്ടായത്. കേടായ ലിഫ്റ്റിന്റെ ഡോർ തുറന്ന് അകത്തു കയറിയ തീർത്ഥാടകർ ആണ് അപകടത്തിൽ പെട്ടത്. ലിഫ്റ്റിന് പ്ലാറ്റ്ഫൊം ഉണ്ടായിരുന്നില്ല. ഇക്കാര്യം അറിയാത്ത തീർത്ഥാടകർ ഡോർ തുറന്ന് അകത്തു കയറുകയായിരുന്നു എന്നാണു വിവരം. ഇന്ത്യൻ ഹജ്ജ് മിഷൻ ഉദ്യോഗസ്ഥരും സിവിൽ ഡിഫൻസും സാമൂഹിക പ്രവർത്തകരുമെല്ലാം സ്ഥലത്തു ഉണ്ട്.
