തിരുവനന്തപുരം. രണ്ടാം പിണറായി സർക്കാരിന്റെ മൂന്നാം വർഷത്തെ പ്രോഗ്രസ് റിപ്പോർട്ട് ഇന്ന് പ്രകാശനം ചെയ്യും. ലോക്സഭാ തെരഞ്ഞെടുപ്പിലെ ഇടതുമുന്നണിയുടെ കനത്ത തോൽവിക്ക് കാരണം ഭരണവിരുദ്ധ വികാരം എന്ന വിമർശനം ഉയരുന്നതിനിടെയാണ് പ്രോഗ്രസ് കാർഡ് പ്രകാശനം.
ക്ഷേമ പെൻഷൻ മുടങ്ങിയതും, അവശ്യ സാധനങ്ങളുടെ വിലക്കയറ്റവും ഉൾപ്പെടെ രണ്ടാം പിണറായി സർക്കാരിന്റെ പ്രതിച്ഛായക്ക് ഏൽപ്പിച്ചു എന്നാണ് പൊതു വിലയിരുത്തൽ. എന്നാൽ മഹാമാരികളും കേന്ദ്ര സമീപനങ്ങളും സൃഷ്ടിച്ച സാമ്പത്തിക പ്രതിസന്ധി മാത്രമാണ് പ്രശ്നമായത് എന്നതാണ് സർക്കാർ വാദം.
സംസ്ഥാന ചരിത്രത്തിൽ ആദ്യമായി ശമ്പളം മുടങ്ങിയത് ഉൾപ്പെടെ പ്രോഗ്രസ് റിപ്പോർട്ടിൽ എങ്ങനെ പ്രതിരോധിക്കും എന്നതും രാഷ്ട്രീയ ആകാംക്ഷയാണ്. കടുത്ത സാമ്പത്തിക പ്രതിസന്ധിക്കിടയിൽ മുഖ്യമന്ത്രി മന്ത്രിമാരും നടത്തിയ വിദേശയാത്രയും നവകേരളയാത്രയും ഭരണവിരുദ്ധ വികാരം ഉണ്ടാക്കിയെന്നാണ് വിലയിരുത്തൽ. എന്നാൽ നവ കേരളയാത്ര സർക്കാർ നേട്ടമായി തന്നെയാകും അവതരിപ്പിക്കുക.
