പത്തനംതിട്ട.സിപിഎം ഭീഷണിയെത്തുടര്‍ന്ന് അടച്ചു പൂട്ടിയ ഇക്കോ ടൂറിസം പദ്ധതി തുറക്കാന്‍ നിര്‍ദ്ദേശം. അടവി തുറന്നുപ്രവർത്തിക്കും. പദ്ധതിയിലെ സമരം വാര്‍ത്തയായതോടെ ഉന്നതതല നിർദേശത്തിനു ജീവനക്കാർ വഴങ്ങി. കോന്നി അടവി ഇക്കോ ടൂറിസം കേന്ദ്രം ഇന്ന് തുറക്കും
സിപിഎം പ്രാദേശിക നേതൃത്വവുമായുള്ള പ്രശ്നം ചർച്ചയിലൂടെ പരിഹരിക്കും എന്ന് ജീവനക്കാർക്ക് വനംവകുപ്പ് ഉന്നത ഉദ്യോഗസ്ഥർ ഉറപ്പ് നൽകി. ഇതോടെതാണ് ടൂറിസം കേന്ദ്രം അനിശ്ചിതകാലത്തേക്ക് അടച്ചിടാനുള്ള തീരുമാനം പിൻവലിച്ചത്
ജീവനക്കാർക്ക് എതിരായ ആക്രമണം, ഭീഷണി എന്നിവയിൽ പോലീസ് ഇനിയും കേസ് എടുത്തില്ലെങ്കിൽ ശക്തമായ പ്രതിഷേധം ഉണ്ടാകും എന്ന് വനംവകുപ്പ് ജീവനക്കാരുടെ സംഘടന അറിയിച്ചു. വനഭൂമിയില്‍ സിപിഎം സ്ഥാപിച്ച കൊടി ജീവനക്കാര്‍ നീക്കിയതാണ് പ്രകോപനമായത്. കൊടി പുനസ്ഥാപിച്ച സിപിഎം നേതാക്കള്‍ അത് നീക്കിയാല്‍ ഉദ്യോഗസ്ഥരുടെ കൈവെട്ടും എന്നും ഭീഷണിപ്പെടുത്തിയിരുന്നു.
