അങ്കമാലി. പറക്കുളത്ത് വീട് തീകത്തി മരിച്ച നാലുപേരുടെയും മൃതദേഹങ്ങൾ സംസ്കരിച്ചു. അങ്കമാലി സെൻ്റ് മേരീസ് സുനോറോ കത്തീഡ്രൽ സെമിത്തേരിയിലായിരുന്നു സംസ്ക്കാരം. തീപിടുത്തവുമായി ബന്ധപ്പെട്ട് ഇലക്ട്രിക്കൽ ഇൻസ്പെക്ടറേറ്റിൻ്റെ വിശദമായ പരിശോധനാ റിപ്പോർട്ട് ഇന്ന്
പോലീസിന് കൈമാറും.
സ്വപ്നങ്ങളും പ്രതീക്ഷകളും ചാമ്പലായതിലെ .ദുരൂഹതഅറിയാതെ മരവിച്ചു നില്‍ക്കുകയാണ് ബന്ധുക്കള്‍. അയ്യമ്പിള്ളി
ബിനീഷും ഭാര്യ അനുമോളും മക്കളായ ജൊവാന,ജെസ് വിൻ എന്നിവർ നാട്ടുകാർക്ക് ഏറെ പ്രിയപ്പെട്ടവരായിരുന്നു. അതുകൊണ്ട് തന്നെ ഹൃദയഭേദകമായിരുന്നു അയ്യമ്പിള്ളി വീട്ടിലെ കാഴ്ചകൾ.
എസിയിൽ നിന്ന് ഗ്യാസ് ലീക്കായി തീപിടുത്തം ഉണ്ടായെന്നാണ് പോലീസിന്റെ പ്രാഥമിക നിഗമനം.
അപകടമരണം എന്ന് വിലയിരുത്തുമ്പോഴും എല്ലാ വശങ്ങളും വിശദമായി പരിശോധിക്കുന്നുണ്ട്.
ഇലക്ട്രിക്കൽ ഇൻസ്പെക്ടറേറ്റിൻ്റെ വിശദമായ റിപ്പോർട്ട് വിലയിരുത്തിയ ശേഷം തുടർ നടപടികൾ സ്വീകരിക്കാനാണ് പോലീസിൻ്റെ തീരുമാനം.
