Advertisement
നെയ്യാറ്റിൻകര.കടബാധ്യത ഗൃഹനാഥനും ഭാര്യയും മകനും ജീവനൊടുക്കി. സയനേഡ് ഉള്ളിൽ ചെന്നാണ് മരിച്ചതെന്നാണ് പ്രാഥമിക നിഗമനം. ഇന്നലെ രാത്രിയാണ് നെയ്യാറ്റിൻകര തൊഴുക്കൽ കൂട്ടപ്പന ക്ഷേത്രത്തിനു സമീപം മണിലാൽ, ഭാര്യ സ്മിത, മകൻ അഭിലാൽ(22) എന്നിവരാണ് മരിച്ചത്. കുടുംബസമേതം ജീവനൊടുക്കാൻ പോവുകയാണെന്ന് മണിലാൽ ചില ബന്ധുക്കളെ ഫോണിൽ വിളിച്ച് അറിയിച്ചിരുന്നു. വിവരമറിഞ്ഞ് നഗരസഭ കൗൺസിലർ മഹേഷും മകനും സ്ഥലത്തെത്തിയപ്പോൾ വിഷം കുടിച്ച് അവശനിലയിലാണ് കുടുംബാംഗങ്ങളെ കണ്ടെത്തിയത്.
ഭാര്യ സ്മിത എഴുതിയെന്നു കരുതുന്ന ആത്മഹത്യാക്കുറിപ്പും പൊലീസ് കണ്ടെടുത്തിട്ടുണ്ട്. ആറുമാസം മുമ്പ് ജോലി ഉപേക്ഷിച്ചു നാട്ടിലെത്തിയതാണ് മണിലാൽ. വലിയ സാമ്പത്തിക ബാധ്യത കുടുംബത്തിന് ഉണ്ടായിരുന്നതായാണ് സൂചന.പോസ്റ്റ്മോർട്ടം നടപടികൾ ഇന്ന് നടക്കും.
Advertisement
