തിരുവല്ല: ക്രൈസ്തവ സമൂഹത്തെ പരസ്യമായി ആക്ഷേപിക്കുന്ന രീതിയിലുള്ള സാമൂഹ്യ മാധ്യമങ്ങളിലെ ഇടപെടൽ വർദ്ധിച്ചുവരുന്നതിൽ കേരള കൗൺസിൽ ഓഫ് ചർച്ചസ് ജനറൽ സെക്രട്ടറി ഡോ.പ്രകാശ് പി തോമസ് പ്രതിഷേധം രേഖപ്പെടുത്തി.
കഴിഞ്ഞദിവസം യേശുവിൻറെ ചിത്രം സുരേഷ് ഗോപിയുടെ മുഖത്തോടു കൂടി തയ്യാറാക്കി പിതാവിനെയും പുത്രനെയും പരിശുദ്ധാത്മാവിനെയും അവഹേളിക്കുന്ന രീതിയിൽ കുറിപ്പോടുകൂടി അസീസ് കുന്നപ്പള്ളി എന്ന വ്യക്തി ഫേസ്ബുക്കിൽ പോസ്റ്റ് ചെയ്തു. തുടർന്ന് ഇടതു സഹയാത്രികനായ റെജി ലൂക്കോസ് സമാനമായ ചിത്രം ഫേസ്ബുക്കിൽ പങ്കുവെക്കുകയും ഉദ്ദിഷ്ടകാര്യത്തിന് ഉപകാരസ്മരണ എന്ന നിലയിൽ വീടുകളിൽ അത് സൂക്ഷിക്കണം എന്ന് കളിയാക്കുകയും ചെയ്തു.
ഇപ്പോൾ തിരുവല്ല മാർത്തോമാ കോളേജിലെ ഇംഗ്ലീഷ് വിഭാഗം അധ്യാപകനായ രാഹുൽ നാരായണൻ അനുപമ ഫേസ്ബുക്കിൽ വിശുദ്ധ കുർബാനയെ അവഹേളിച്ചുകൊണ്ട് പോസ്റ്റ് ഇട്ടിരിക്കുന്നു.
ഏതു മതത്തിൻ്റെ ആണെങ്കിലും വികാരങ്ങളെ വ്രണപ്പെടുത്തുന്നത് സമൂഹത്തിൻറെ പൊതു നന്മയ്ക്ക് ദോഷകരും കുറ്റകരവും ആയ സാഹചര്യത്തിൽ ഇവർക്കെതിരെ നടപടി എടുക്കേണ്ടത് ആവശ്യമാണന്നു
ഡോ. പ്രകാശ് പി.തോമസ് പറഞ്ഞു.
