Advertisement
തിരുവനന്തപുരം:
ബാർ കോഴക്കേസിൽ തിരുവഞ്ചൂർ രാധാകൃഷ്ണന്റെ മകൻ അർജുൻ രാധാകൃഷ്ണന് ക്രൈംബ്രാഞ്ച് നോട്ടീസ്. വെള്ളിയാഴ്ച തിരുവനന്തപുരം ജവഹർ നഗർ ഓഫീസിൽ ഹാജരാകാൻ ആവശ്യപ്പെട്ടാണ് നോട്ടീസ്. ബാറുടമകളുടെ വാട്‌സാപ്പ് ഗ്രൂപ്പിന്റെ അഡ്മിൻ അർജുൻ രാധാകൃഷ്ണൻ ആയിരുന്നുവെന്ന് ക്രൈംബ്രാഞ്ച് കണ്ടെത്തിയിരുന്നു
നിലവിൽ അർജുൻ അഡ്മിൻ അല്ലെങ്കിലും ഗ്രൂപ്പിലുണ്ട്. അതേസമയം നോട്ടീസ് നേരിട്ട് കൈപ്പറ്റാൻ അർജുൻ രാധാകൃഷ്ണൻ തയ്യാറായില്ല. ഇതേ തുടർന്ന് ഇ മെയിൽ വഴിയാണ് ക്രൈംബ്രാഞ്ച് നോട്ടീസ് അയച്ചത്. എന്നാൽ സർക്കാരിന്റേത് ചീപ്പ് നടപടിയെന്ന് അർജുൻ പ്രതികരിച്ചു
തനിക്ക് നോട്ടീസ് അയച്ച് വിവാദം വഴി തിരിച്ചുവിടാൻ ശ്രമിക്കുന്നു. താൻ ഒരു അസോസിയേഷനിലും അംഗമല്ല. താൻ വാട്‌സാപ്പ് ഗ്രൂപ്പിലുണ്ടെന്ന് തെളിയിക്കട്ടെ. ഇല്ലാത്ത കാര്യത്തിൽ പിടിച്ചിടാനാണ് സർക്കാർ ശ്രമിക്കുന്നതെന്നും ഇയാൾ ആരോപിച്ചു.
