Advertisement
തിരുവനന്തപുരം: കുവൈറ്റിലെ തൊഴിലാളി ക്യാമ്പിലുണ്ടായ തീപിടുത്തത്തിൽ പ്രവർത്തനങ്ങളുടെ ഏകോപനത്തിനായി ആരോഗ്യമന്ത്രി വീണാ ജോർജ് ഇന്ന് കുവൈറ്റിലേക്ക് പോകും. നാഷണൽ ഹെൽത്ത് മിഷൻ സിഎംഡി ജീവൻ ബാബുവും ഒപ്പമുണ്ടാകും. ഇന്ന് മുഖ്യമന്ത്രിയുടെ അധ്യക്ഷതയിൽ ചേർന്ന പ്രത്യേക മന്ത്രിസഭാ യോഗത്തിലാണ് തീരുമാനം. മരിച്ചവരുടെ കുടുംബത്തിന് 5 ലക്ഷം രൂപയും പരിക്കേറ്റവർക്ക് ഒരു ലക്ഷം രൂപാ വീതവും ധനസഹായം സർക്കാർ പ്രഖ്യാപിച്ചു. 49 പേർ മരിച്ച ദുരന്തത്തിൽ 16 പേർ മലയാളികളാണ്.
