Advertisement
കൊച്ചി: കുവൈറ്റിലെ തൊഴിലാളി ക്യാമ്പിലുണ്ടായ തീപിടുത്തത്തിൽ പ്രവർത്തനങ്ങളുടെ ഏകോപനത്തിനായി സംസ്ഥാന സർക്കാർ പ്രതിനിധിയായി കുവൈറ്റിലേക്ക് പോകാനുള്ള മന്ത്രി വീണാ ജോർജിൻ്റെ യാത്ര മുടങ്ങി. കേന്ദ്ര സർക്കാരിൻ്റെ അനുമതി ലഭിക്കാത്തതാണ് കാരണം. പൊളിറ്റിക്കൽ ക്ലിയറൻസ് കിട്ടാത്തതിനാൽ യാത്ര ഉപേക്ഷിക്കുന്നു എന്നാണ് മന്ത്രി പറഞ്ഞത്. ഏറെ നേരമായി മന്ത്രി കൊച്ചി വിമാനത്താവളത്തിൽ തുടരുകയാണ്. ഇന്ന് മുഖ്യമന്ത്രിയുടെ അധ്യക്ഷതയിൽ ചേർന്ന പ്രത്യേക മന്ത്രിസഭാ യോഗത്തിലായിരുന്നു അരോഗ്യ മന്ത്രിയുടെ കുവൈറ്റ് യാത്ര തീരുമാനിച്ചത്. മരിച്ചവരുടെ കുടുംബത്തിന് 5 ലക്ഷം രൂപയും പരിക്കേറ്റവർക്ക് ഒരു ലക്ഷം രൂപാ വീതവും ധനസഹായം സർക്കാർ പ്രഖ്യാപിച്ചു.
മരിച്ചവരുടെ മൃതദേഹങ്ങൾ നാളെ കൊച്ചിയിലെത്തിക്കുമെന്ന് സംസ്ഥാന സർക്കാരിന് അറിയിപ്പ് ലഭിച്ചു
Advertisement
