Advertisement
കണ്ണൂര്‍: തലശ്ശേരിയില്‍ ആള്‍പാര്‍പ്പില്ലാത്ത വീടിന് സമീപം വഴിയില്‍ നിന്ന് കിട്ടിയ പൊതി അഴിച്ചപ്പോള്‍ ബോംബു പൊട്ടി 80 കാരന് ദാരുണാന്ത്യം. ഇന്ന് രാവിലെയാണ് സംഭവം. എരഞ്ഞോളി കുടക്കളത്തെ നാരായണനാണ് മരിച്ചത്. വീടിനടുത്തുള്ള ആള്‍ പാര്‍പ്പില്ലാത്ത പറമ്പില്‍ തേങ്ങ പെറുക്കാന്‍ പോയപ്പോഴാണ് അപകടമുണ്ടായത്. സ്റ്റീല്‍ ബോംബു പൊട്ടിത്തെറിക്കുകയായിരുന്നു.
സംഭവ സ്ഥലത്ത് തലശേരി എസിപിയുടെ നേതൃത്വത്തില്‍ പോലീസ് സംഘം ക്യാംപ് ചെയ്യുന്നുണ്ട്. ആള്‍ താമസമില്ലാത്ത എരഞ്ഞോളി കുടക്കളത്തെ വീട്ടുപറമ്പില്‍ ഒളിപ്പിച്ചു വെച്ച ബോംബ് പൊട്ടിത്തെറിച്ചുവെന്നാണ് പോലിസിന്റെ പ്രാഥമിക നിഗമനം. നാരായണന്റെ മൃതദ്ദേഹം തലശേരി ജനറല്‍ ആശുപത്രി മോര്‍ച്ചറിയിലേക്ക് പോലീസ് ഇന്‍ക്വസ്റ്റ് നടത്തിയതിന് ശേഷം മാറ്റി.
Advertisement
